🛑दशावतार नाटक मंडळींनी घेतली परब यांची भेट..

▪️आपली संस्कृती जपली पाहिजे भाजपा युवा मोर्चाचे प्रदेश उपाध्यक्ष विशाल परब.

✍🏼लोकसंवाद /- सावंतवाडी.

तळकोकणची ओळख असणारे दशावतार हा खरे तर कोकणचा आत्मा! ही आपली संस्कृती, हा आपल्या जगण्यातील गाभा ! हे सारे सारे जपले पाहिजे, वाढवले पाहिजे आणि महत्वाचे म्हणजे एका पिढीकडून दुसऱ्या पिढीकडे हस्तांतरित केले पाहिजे. आज जिल्ह्यातील दशावतार नाटक करणाऱ्या मंडळींनी भाजपा युवा मोर्चा प्रदेश उपाध्यक्ष विशाल परब यांच्या जनसंपर्क कार्यालयात सदिच्छा भेट घेत त्यांचे विविध प्रश्न मांडले. यावेळी परब यांनी त्यांचे असणारे प्रश्न जाणून घेत येत्या काळात त्या सोडवण्यासाठी नक्कीच प्रयत्नशील असल्याचा विश्वास त्यांना दिला. दशावतार नाटक करणाऱ्या मंडळींनी 30 तारखेला असणाऱ्या कार्यक्रमाचे देखील त्यांना निमंत्रण दिले. प्रसंगी अंकुश जाधव, सुभाष लोंढे, विलास गवस, कृष्णा नाईक, प्रभाकर गवस, प्रेमानंद ठाकूर, विश्वनाथ गवस, शंकर जाधव, उदय गवस, आदित्य गवस, अभिमन्यू बांदेकर, गुणाजी कदम, कृष्णा कुंभार, अजिंक्य गवस, देवेंद्र भैरवकर, नारायण गवस, राजन बांदेकर, मधुसूदन गवत आदी मान्यवर उपस्थित होते.