🛑आईचा मृत्यूचा धक्का घेत मिठमुंबरी येथील युवकाची घाटकोपर येथील रेल्वेरूळावर उडी मारून आत्महत्या..

✍🏼लोकसंवाद /- देवगड.

आईचा मृत्यूचा धक्का सहन न झाल्याने मिठमुंबरी येथील युवकाने आत्महत्या केल्याची खळबळजनक घटना घडली आहे. हितेश नंदकुमार गावकर(२७) असे त्याचे नाव आहे.या युवकाने आईच्या आकस्मिक निधनाचा धक्का सहन न झाल्याने घाटकोपर येथे रेल्वेरूळावर उडी मारून आत्महत्या केली.याबाबत मिळालेल्या माहितीनूसार, मिठमुंबरी येथील नंदकुमार गजानन गावकर यांच्या पत्नी सुषमा नंदकुमार गावकर व त्यांचा मुलगा हितेश व त्यांचे सर्व कुटूंब सौ.सुषमा यांच्या आजारावरील उपचारासाठी मिठमुंबरी येथून चार दिवसापुर्वीच मुंबई येथे गेले होते.रविवारी सकाळी दादर येथील सुश्रुषा हॉस्पिटल येथे त्यांना उपचारासाठी नेण्यात आले होते त्यावेळी डॉक्टरांनी त्यांना छातीचा कॅन्सर झाल्याचे निदान केले.याची माहिती सौ.सुषमा यांना मिळताच त्यांना त्याचा जबर मानसिक धक्का बसला यामध्येच सुषमा यांचे आकस्मिक निधन झाले.

या घटनेचा परिणाम त्यांचा मुलगा हितेश नंदकुमार गावकर याच्यावर झाला.त्यानंतर आईची अंत्ययात्रा निघाली परंतू या अंत्ययात्रेत हितेश हा उपस्थित नव्हता.अंत्ययात्रेच्यावेळीच हितेश याने घाटकोपर येथे रेल्वेरूळावर झोकून देत रेल्वेखाली आत्महत्या केल्याची धक्कादायक माहिती कुटूंबियांना समजली.या घटनेने गावकर कुटूंबियांवर मोठे संकट कोसळले आहे.नंदकुमार व त्यांचे कुटुंबिय हॉटेल व्यवसाय करतात व आंबा हंगामामध्ये गावी मिठमुंबरी येथे येवून आंब्याचा व्यवसाय करतात.त्यावेळीही त्यांनी आंबा व्यवसाय करून संपूर्ण कुटूंब मुंबई येथे गेले होते.त्यानंतर आईच्या आजारावर उपचार करण्यासाठी त्यांनी हॉस्पिटलमध्ये गेले होते.आईच्या विषयी धक्कादायक बातमी समजल्यानंतर हितेश याच्या मनावर मानसिक आघात झाल्याचे दिसून येत आहे.या घटनेने मिठमुंबरी गावात हळहळ व्यक्त करण्यात येत आहे.त्याचा पश्चात वडील, भाऊ, वहिनी, बहिण, भाओजी असा परिवार आहे.