🛑कपडे धुण्यासाठी गेलेल्या महिलेच्या अंगावर वीज लाईन तुटून पडल्याने तीचा जागीच मृत्यू…

✍🏼लोकसंवाद /- बांदा.

बांदा गडगेवाडी येथील कुंभारदेवणे ओहळात कपडे धुण्यासाठी गेलेल्या महिलेच्या अंगावर वीज लाईन तुटून पडल्याने तीचा जागीच दुर्देवी मृत्यू झाला. विद्या वामन बिले (वय 60) असे त्या महिलेचे नाव आहे. घडलेल्या घटनेने बांदा ग्रामस्थ आक्रमक झाले आहेत. सदरच्या घटनेला वीज वितरण कंपनी जबाबदार असून कुटुंबीयांना रोख दहा लाख रुपये भरपाई द्या अशी मागणी केली आहे. रोख भरपाई न दिल्यास मृतदेह सावंतवाडी वीज वितरणच्या कार्यालयात नेणार असा इशारा दिला आहे. वीज वितरणाचे तालुका अभियंता येई पर्यंत मृतदेहाला हात लावू देणार नाही. असा सज्जड दम बांदा अभियंता कोहळे यांना दिला. घटनास्थळी बांदा पोलीस दाखल झाले आहेत. दरम्यान वीज वितरण कंपनीच्या हलगर्जी पणा आणि बेजबाबदार पणा मुळे एका महिलेने जीव गमावला आहे.