🛑वेंगुर्ले बंदरात बुडालेल्या चारही खलाशांचे मृतदेह सापडले..

✍🏼लोकसंवाद /- वेंगुर्ला.

वेंगुर्ले बंदर येथे गुरुवारी रात्री बुडालेली होडी शुक्रवारी सकाळी मूठ समुद्रात सकाळी आढळली असून ती मच्छीमारांनी वेंगुर्ले बंदरात आणली आहे. दरम्यान बुडालेल्या चार खलाशांपैकी रत्नागिरी येथील महादेव शंकर आंबेरकर (66) यांचा मृतदेह शुक्रवारी मोचेमाड समुद्रात मिळाला आहे.तर दुसर्‍या खलाशाचा मृतदेहही शुक्रवारी सायंकाळी सागरेश्वर समुद्रकिनारी सापडला असून,शिवराम कोल असे मृत झालेल्या खलाशाचे नाव आहे.

दरम्यान दुर्घटनेतील बेपत्ता असलेले उर्वरित 2 खलाशी चांद गुलाम महम्म्द (वय 19 वर्षे) याचा मृतदेह मध्यरात्री 12 -30 च्या सुमारास नवाबाग समुद्रकिनारी सापडला.तर आझान मुनीलाला कोल (वय 19 वर्षे) याचा मृतदेह आज शनिवारी सकाळी सागरेश्वर समुद्रकिनारी आढळून आला आहे.पोलिसांनी चारही मृतदेह शवविच्छेदनासाठी वेंगुर्ले ग्रामीण रुग्णालयात पाठविले आहेत.

तीन खलाशी पोहून आल्याने वाचले

समुद्र किनारी पोहत आलेले नंदा ठाकू हरिक्रांता (49), राजा कोल (29) व सचिन कोल हे खलाशी पोहत आल्याने बचावले आहेत. ते किनाऱ्यावर आले असून दुर्घटना घडल्याने भीतीच्या छायेत आहेत.