🛑पालकमंत्री रवींद्र चव्हाण यांच्याकडून पांग्रड येथे मधमाशांच्या हल्ल्यात मृत्यू झालेल्या साळस्कर कुटुंबीयांना एक लाखाची मदत..

✍🏼लोकसंवाद /- कुडाळ.

अक्षय तृतीयेच्या तीसऱ्या दिवशी रविवारी प्रतिवर्षाप्रमाणे पांग्रड नागामाचेटेंब येथे सत्यनारायण च्या महापूजेचे आयोजन करण्यात आले होते. त्या पूजेच्या तयारीसाठी व पूजेच्या निमित्ताने पांग्रड नागामाचेटेंब येथील रहिवाशी व इतर ग्रामस्थ जमले होते. आनंदाच्या उत्सवाच्या भरात पूजा सुरू होताच काही तरुण हौशी युवकांनी ॲटम बॉम्ब फटाके लावले. त्याचा आवाज आणि धूर यामुळे महापुरुषांच्या स्थळांमध्ये असलेल्या उंच झाडावर असलेल्या आग्या मोहाच्या मधमाश्या उठल्या आणि उपस्थित सर्व समुदायावर एकच हल्ला केला. त्यामध्ये पाच ते सहा जण गंभीरित्या जखमी झाले वीस ते पंचवीस जण प्राथमिक उपचारानंतर घरी पाठवण्यात आले तर मधमाशांच्या हल्ल्यात लवू नारायण साळसकर वय वर्ष ७२ यांचं दुःखद निधन झालं.

धार्मिक कार्यक्रमाच्या निमित्ताने पहिल्यांदाच अशा घटनेला पांग्रड ग्रामस्थांना सामोरे जावे लागलेले आहे. या अकस्मित घटनेमुळे सर्वत्र हळहळ व्यक्त केली जात आहे. या मधमाशांच्याहल्यामध्ये ओरोस येथील कृषी विस्तार अधिकारी आनंद कुंभार , ग्रामसेवक आबा ऊर्फ नारायण माणगावकर हे सुद्धा जखमी झाले होते. उपचार नंतर 14 मे रोजी त्यांना व त्यांच्यासोबत ओरोस येथील शासकीय रुग्णालयात भरती केलेल्या पाच सहा व्यक्तींना घरी पाठविण्यात आले. आता जखमींची परिस्थिती सुधारत असून याघटनेबद्दल आजही पांग्रड गाव सुन्न होऊन.गावावर शोककळा पसरली आहे.

सिंधुदुर्ग जिल्ह्याचे संवेदनशील पालकत्व..

पांग्रड येथील मधमाशी हल्ल्यात मृत्युमुखी पडलेल्या लवु साळसकर यांना पालकमंत्री रवींद्र चव्हाण यांनी भाजपाच्या वतीने एक लाखाची केली आर्थिक मदत.दोन दिवसांपूर्वी पांग्रड, नागमाचे टेम्ब येथे धार्मिक कार्यक्रमाच्या दरम्यान मधमाशांनी केलेल्या हल्ल्यात लवु नारायण साळसकर यांचा दुर्दैवी मृत्यू झाला होता. तसेच अन्य सुमारे 40 ग्रामस्थ जखमी झाले होते.सिंधुदुर्ग जिल्ह्याचे पालकमंत्री रवींद्र चव्हाण यांनी या घटनेची तात्काळ दखल घेत भाजपा जिल्हाध्यक्ष प्रभाकर सावंत यांना घटनास्थळी भेट देऊन मृतांच्या नातेवाइकांची आणि जखमींची विचारपूस करून त्यांना आर्थिक मदत करण्याबाबत सूचना केली होती.

त्यानुसार आज भाजपा जिल्हाध्यक्ष प्रभाकर सावंत, प्रदेश कार्यकारणी सदस्य सौ.संध्या तेरसे,भाई सावंत, तालुकाध्यक्ष दादा साईल, माजी सभापती किशोर मर्गज, निरुखे सरपंच किर्तीकुमार तेरसे, अमोल मर्गज यांच्या सहित पांग्रड, नागमाचे टेम्ब येतील मधमाशांनी केलेल्या हल्ल्यात मृत्युमुखी पडलेल्या लवु साळसकर यांच्या कुटुंबीयांची भेट घेवून भारतीय जनता पार्टीच्या वतीने एक लाख रुपयांची आर्थिक मदत सुपूर्द केली. यावेळी या वाडीतील या हल्ल्यात जखमी झालेल्या अन्य नागरिकांची देखील विचारपूस करून त्यांना प्रशासनाच्या वतीने लागणारे सहकार्य करण्याची हमी दिली..
मयत साळसकर यांना गोपीनाथ मुंडे शेतकरी विमा अंतर्गत मदत मिळवून देण्याच्या सूचना दिल्या.

यावेळी मयत लवू नारायण साळसकर यांची पत्नी ललिता लऊ साळसकर, मुलगा सागर लवू साळसकर, मुलगी वर्षा लवू साळसकर, विवाहित मुलगी मनाली संतोष चव्हाण,भाऊ मधुकर नारायण साळसकर तसेच
सुनील मर्गज,अमोल पांग्रडकर,भालचंद्र मर्गज,प्रमोद जाधव, गजानन पांग्रडकर, आनंद कुंभार, नारायण माणगावकर, काशीराम राणे, सुशील जाधव, संतोष चव्हाण, श्याम माणगावकर,गणेश राणे,प्रभाकर चव्हाण आणि अन्य ग्रामस्थ तसेच वन विभागाचे अधिकारी उपस्थित होते.पालकमंत्री यांच्या संवेदनशील वृत्तीबाबत उपस्थित ग्रामस्थांनी आभार व्यक्त केले.