🛑कुडाळ नगरपंचायत ने एकदिशा मार्गाची तातडीने अंमलबजावणी करावी.

▪️नगरपंचायत मुख्याधिकारी यांच्याकडे सामाजिक कार्यकर्ते संजय भोगटे यांची मागणी..

✍🏼लोकसंवाद /- कुडाळ.

कुडाळ गाँधी चौक नार्वेकर बेकरी ते बाजारपेठ या मार्गावरून होणारी एकदिशा मार्गाची वाहतुक निर्णय झाला असून, तशा प्रकारचे फलक देखील कुडाळ नगरपंचायत मार्फत लावलेले आहेत.परंतु कोणत्याही प्रकारची अमलबजावणी होताना दिसत नाहीं.परिणामी सतत ट्रॅफिक च्या समस्येला व्यापारी आणि वाहनचलकांना सामोरे जावे लागत आहे.

सध्या एप्रिल महिना सुरू आहे उष्म्याने प्रमाण खूपच वाढले आहे.उन्हाळ्याचे दिवस असल्याने कडक उन्हाचा त्रास जनतेला होत आहे. ट्रॅफिक जॅम झाले की बराच वेळ वाहने उभी ठेवून ट्रॅफिक क्लिअर होण्याची वाट वाहन धारक बघत असतात.त्यामुळे त्या वाहनधारकांना उन्हाचा नाहक त्रास सहन करावा लागतो तसेच ट्रॅफिक जॅम झाल्यामुळे बऱ्याच वेळा त्यातून पादचाऱ्यांना वाट काढून चालणे मुश्किल होत आहे.त्यासुद्धा उन्हाचा त्रास होत आहे.तसेच तेथील व्यवसायावर सुद्धा परिणाम होत आहे.याचा संपूर्ण विचार करून नार्वेकर बेकरी ते बाजारपेठ या मार्गावरील एकदिशा मार्गाची अंमलबजावणी तत्काळ करावी.अन्यथा मतदानावर बहिष्कार घालावा लागेल.याचीही नोंद घेऊन पुढील कार्यवाही करावी असे आवाहन सामाजिक कार्यकर्ते तथा जिल्हा परिषदेचे माजी सदस्य श्री.संजय भोगटे यांनी नगरपंचायत ला निवेदन देत लक्ष वेधले आहे.