🛑रत्नागिरी सिंधुदुर्ग लोकसभा मतदार संघात महायुतीचाच विजय होणार.;ऋत्विक सामंत.

✍🏼लोकसंवाद /- समिल जळवी, सिंधुदुर्ग.

रत्नागिरी-सिंधुदुर्ग लोकसभेसाठी महायुतीकडून मा.श्री. नारायणराव राणे साहेबांची उमेदवारी जाहीर झाल्यानंतर आज पहिल्यांदाच श्री किरण सामंत यांनी सिंधुदुर्ग जिल्ह्याचा दौरा पार पाडला. महायुतीच्या उमेद्वाराला बहुमताने विजयी करण्यासाठी किरण सामंत यांनी आज युवतीसेना व युवासेनेच्या पदाधिकाऱ्यांची भेट घेऊन त्यांना या संदर्भात मार्गदर्शन केले. युवतीसेना व युवासेना सिंधुदुर्ग जिल्ह्यातील राजकारणात या निवडणुकीच्या माध्यमातून आपली वेगळी ओळख निर्माण करतील असा विश्वास किरण सामंत यांनी व्यक्त केला. तदनंतर जिल्ह्यातील सर्व युवासेना व युवतीसेना यांनी एकत्र येऊन लोकसभेच्या निवडणुकी संदर्भात रणनीती आखण्यासाठी बैठकीचे आयोजन केले. जिल्ह्यातील युवक , युवतींना मतदानासाठी प्रवृत्त कसे करता येईल, मतदानाचा टक्का कसा वाढवता येईल, नरेंद्र मोदी साहेबांचे विचार तळागाळातील जनतेपर्यंत कसे पोहचवता येतील, भविष्यात संघटनेला मजबूत करण्यासाठी कोणती पाऊले उचलावी लागतील या सारख्या विषयांवर चर्चा करून मार्ग काढण्यात आले. महायुतीला प्रचंड मतांनी विजयी करण्यासाठी व पुन्हा एकदा मा. श्री. नरेंद्र मोदी साहेबांना पंतप्रधान करण्यासाठी युवतीसेना व युवासेना शिवसेनेच्या विचारांशी कटिबद्ध राहून प्रचार करणार आहे असे ऋत्विक सामंत युवासेना जिल्हाप्रमुख ( कुडाळ – मालवण ) यांनी सांगितले.

यावेळी हर्षद दरे (युवासेना जिल्हा प्रमुख सावंतवाडी-वेंगुर्ला-दोडामार्ग)
सोनाली पाटकर (युवतीसेना जिल्हा प्रमुख कुडाळ-मालवण), संतोष नाईक (युवतीसेना उप – जिल्हा प्रमुख कुडाळ-मालवण).
हर्षद पारकर (युवासेना जिल्हा प्रमुख सोशल मीडिया कुडाळ-मालवण), स्वप्नील गावडे (युवासेना वेंगुर्ले तालुका प्रमुख), मिहीर राणे (युवासेना मालवण तालुका प्रमुख)
मधुरा तुळसकर (युवती सेना मालवण तालुका प्रमुख), Dr. प्रणव प्रभु, ओंकार देसाई, नूपूर सामंत, आदित्य राणे, आधी युवासेना कार्यकर्ते उपस्थित होते.