🛑केंद्रीय मंत्री नारायण राणे 19 तारखेला उमेदवारी अर्ज दाखल करणार.

✍🏼लोकसंवाद /- रत्नागिरी.

अनेक दिवस रत्नागिरी सिंधुदुर्ग लोकसभेच घोंगड भिजत असताना अखेर केंद्रीय मंत्री नारायण राणे 19 एप्रिल रोजी शेवटच्या दिवशी आपला उमेदवारी अर्ज दाखल करणार असल्याने एकच खळबळ उडाली आहे.आतापर्यंत भाजपचा उमेदवार कोणी नसला तरी निशाणीही लोकांपर्यंत पोचली असल्याने आता फक्त नाव जाहीर करण्याचे बाकी राहिला आहे.

काल केंद्रीय मंत्री नारायण राणे यांच्या वतीने कार्यकर्त्यांनी 4 उमेदवारी अर्ज विकत घेतले आहेत. त्यामुळे खूप दिवस सगळ्यांनाच पडलेला प्रश्न आता मिटणार असून अखेर रत्नागिरी सिंधुदुर्ग लोकसभा मतदारसंघात भाजपकडून नारायण राणे यांना उमेदवारी मिळाली असल्याचे सूत्रांकडून समजते.रत्नागिरी सिंधुदुर्ग मतदार संघावर शिवसेनेकडून किरण सामंत यांनी दावा केला होता.

परंतु शिंदे शिवसेनेचे प्रमुख एकनाथ शिंदे यांच्याकडून त्यांना काही रिस्पॉन्स मिळाला नाही अखेर काल ते नागपूरला उपमुख्यमंत्री फडणवीस यांची भेट घेण्यासाठी गेले होते.आणि त्यानंतर त्यांनी पक्षाचा आदेश असेल तो मान्य असेल सांगितले होते.त्यामुळे आता किरण सामंत यांचे उमेदवारी बाबत चाललेले प्रयत्नही संपणार की वाढणार हे दिसेल.

केंद्रीय मंत्री नारायण राणे हे महायुतीकडून नारायण राणे यांचे नाव निश्चित झाले असून १९ तारखेला ते फॉर्म भरणार आहेत.त्यामुळे नारायण राणे यांच्याविरुद्ध इंडिया आघाडीकडून विनायक राऊत हे असणार आहेत.

खासदार असलेले विनायक राऊत हे उद्या 16 एप्रिल रोनी उमेदवारी अर्ज दाखल करणार आहेत.त्यामुळे आता खरी लोकसभेमध्ये रंग दोनच जणात असून राणे विरुद्ध राऊत असा सिंधुदुर्गातले दोन माणसं एकमेकांविरुद्ध उभे राहिल्याचे चित्र दिसत आहे.दरम्यान सूत्रांकडून मिळालेल्या माहितीनुसार किरण सामंत यांनीही आपलं थांबवले असल्याचे समजते त्यामुळे किरण सामंत आता एक नारायणराव राणे यांना मदत करणार की नाही हे आता पाहिले जाणार आहे.