🛑महायुतीची सिंधुदुर्ग – रत्नागिरी लोकसभेची उमेदवारी किरण सामंत यांना मिळावी.

▪️कार्यकर्त्यांच्या वतीने तालुका प्रमुख योगेश तुळसकर यांची मागणी..

✍🏼लोकसंवाद /- कुडाळ.

शिवसेना कुडाळ तालुक्याच्या वतीने शिवसेना जिल्हाप्रमुख संजय आग्रे, जिल्हा संघटक रुपेश पावसकर,महिला जिल्हाप्रमुख वर्षाताई कुडाळकर, कुडाळ – मालवण विधानसभा प्रमुख बबन शिंदे, कुडाळ – मालवण विधानसभा उपजिल्हाप्रमुख विश्वास गावकर यांच्या मार्गदर्शनाखाली शिवसेना तालुका प्रमुख योगेश (बंटी) तुळसकर व श्री. अरविंद करलकर यांनी कुडाळ तालुक्यात सर्व विभाग निहाय दौरा करून कुडाळ तालुक्यातील 9 विभागात बैठका घेऊन आगामी लोकसभा निवडणुकीसाठी तसेच शिवसेना पक्षाच्या उमेदवाराला उमेदवारी मिळून त्या उमेदवाराला भरघोस मतांनी विजयी करण्यासाठी सर्वांनी एकजुटीने प्रयत्न करावेत अशा सूचना करण्यात आल्या होत्या यावेळी सर्व विभागातील कार्यकर्त्यांनी शिवसेना उमेदवार भरघोस मतांनी विजयी करण्यासाठी आम्ही अहोरात्र काम करून विजयी करण्यात येणार असल्याचे कुडाळ शिवसेना तालुका प्रमुख योगेश तुळसकर यांनी सांगितले.

यावेळी सर्व कार्यकर्त्यांनी शिवसेना पक्षालाच उमेदवारी मिळावी तसेच किरण (भैय्या) सामंत हेच उमेदवार म्हणून मिळावेत अशी सर्व विभागातील पदाधिकारी आणि कार्यकर्त्यांनी मागणी केली. तसेच किरण सामंत हेच सर्वसामान्यांचे नेतृत्व आहेत त्यांची काम करण्याची पद्धत तसेच सर्व सामन्यात मिसळून काम करण्याची पद्धत खूप चांगली आहे.

सर्वसामान्यांचे किरण सामंत हेच उमेदवार असावेत तसेच तेच उमेदवार म्हणून निवडणुकीत विजयी होऊ शकतात असे मत व्यक्त केले. ही सर्वांची मागणी वरिष्ठांपर्यंत पोहोचवून आपली मागणी पूर्ण होण्यासाठी प्रयत्न करूया आणि त्यांना विजयी करूया असे एकमताने ठरविण्यात आले.