🛑काश्मीर येथे गेलेल्या नगरसेवकांना प्रशिक्षणाला एन्ट्री न मिळाल्याने काश्मीर दौरा वादाच्या भोवऱ्यात..

▪️नागरिकांच्या करामधून गोळा केलेल्या निधीचा चुराडा..

✍🏼लोकसंवाद /- कुडाळ.

कुडाळ नगरपंचायत ने नगरसेवकांसाठी काश्मीर येथे प्रशिक्षणाचे आयोजन करण्यात आले होते.यासाठी कुडाळ नगरपंचायतीचे काही नगरसेवक गेले मात्र तेथील प्रशिक्षणाचे प्रवेशाचे सोपस्कार नगरपंचायतीकडून पूर्ण केले गेले नसल्याने नगरसेवकांना काश्मीर येथील प्रशिक्षणाला एन्ट्री मिळाली नसल्याची धक्कादायक माहिती समोर आली आहे.त्यामुळे कुडाळ नगरपंचायतीच्या निधीचा चुराडा झाला असून झालेला खर्चाला जबाबदार कोण? असा सवाल कुडाळ शहरातील उपस्थित होत असून हा खर्च कसा संमत करावा? असा प्रश्न प्रशासनासमोर निर्माण झाला आहे.

प्रशिक्षण निश्चित नसताना कुडाळ नगरपंचायतीचे नगरसेवक काश्मीर येथे जाऊन आले या झालेल्या खर्चाला जबाबदार कोण? असा सवाल आता जनतेतून विचारला जात आहे जनतेच्या पैशावर नगरसेवकांनी फक्त मजा केली असल्याचा आरोप केला जात आहे.

कुडाळ नगरपंचायतीच्या नगरसेवकांसाठी काश्मीर येथे सभा शास्त्र तसेच नगरपंचायतीच्या कायद्यांसंदर्भात प्रशिक्षणाचे आयोजन करण्यात आले होते. यासाठी कुडाळ नगर पंचायतीच्या सत्ताधाऱ्यांसह विरोधकांनी काश्मीर येथे दौरा निश्चित केला या प्रशिक्षणासाठी सत्ताधाऱ्यांमधील १०. नगरसेवक आणि विरोधकांमधील ४ नगरसेवक काश्मीर येथे गेले. मात्र त्या ठिकाणी या प्रशिक्षणाची निश्चिती न झाल्यामुळे या नगरसेवकांना या प्रशिक्षणात प्रवेश मिळाला नाही या प्रशिक्षणाची निश्चिती का झाली नाही? याला जबाबदार कोण? आणि नगरसेवकांना काश्मीरला जाण्यासाठी झालेल्या ‘खर्चाला जबाबदार कोण? याबाबत सवाल उपस्थित केला जात असून जर प्रशिक्षण निश्चित झाले नव्हते तर लोकांच्या पैशांवर मजा मारण्याचा अधिकार नगरसेवकांना कोणी दिला? असा सवाल नागरिकांमधून विचारला जात आहे. या प्रशिक्षणासाठी स्वनिधी मधून खर्च करण्यात आला होता.हा निधी नागरिकांच्या करामधून गोळा केला जातो आणि या निधीतून नगरसेवकांना प्रशिक्षणासाठी पाठवण्यात आले होते, मात्र प्रशिक्षणाची निश्चिती झाली नव्हती नगरसेवक काश्मीरला जाऊन फक्त पर्यटन सहल करून आले का? असा सवाल सुद्धा उपस्थित केला जात आहे.