🛑वेंगुर्लेत २०० बांधकाम कामगार बांधवांना गृहपयोगी साहित्यांचे वाटप!

▪️कष्टाचा आदर आणि कष्टकऱ्यांचा सन्मान याला मोदी सरकार ने सर्वोच्च प्राधान्य दिले.;बाळु देसाई.

✍🏼लोकसंवाद /- वेंगुर्ला.

महाराष्ट्र इमारत व इतर बांधकाम कामगार कल्याणकारी मंडळ, महाराष्ट्र शासनाच्या वतीने बुधवार दिनांक १३/०३/२०२४ रोजी वेंगुर्ले तालुक्यातील बांधकाम कामगार बांधवांना भाजपा जिल्हा उपाध्यक्ष प्रसंन्ना देसाई यांच्या उपस्थितीत गृहपयोगी साहित्याचे वाटप करण्यात आले. यावेळी तालुकाध्यक्ष सुहास गवंडळकर , शक्तिकेंद्र प्रमुख विजय बागकर , निवृत्त कामगार अधिकारी किरण कुबल , संगणक ऑपरेटर प्रविण जाधव व स्वाती अणावकर , किट वाटप मदतनीस अमित कुबल व विष्णु रेडकर , पुजा बागकर इत्यादी उपस्थित होते.

यावेळी बांधकाम कामगारांना मार्गदर्शन करताना प्रसंन्ना देसाई म्हणाले कि विकसित भारताच्या उभारणीच्या आकांक्षा पुर्ण करण्यात श्रमशक्तीचा मोठा वाटा आहे . या संकल्पनेतून नव्या भारतात कामगार आणि कष्टकऱ्यांचा आदर करण्याची संस्कृती उदयास येत आहे . देशाला आता आपल्या श्रमशक्तीचा अभिमान आह.कष्टाचा आदर आणि कष्टकऱ्यांचा सन्मान हे मोदी सरकारचे सर्वोच्च प्राधान्य आहे .पंडित दीनदयाळ उपाध्याय ” श्रमेव जयते ” च्या माध्यमातून मोदी सरकार कामगारांचे सक्षमीकरण करुन त्यांच्यासाठी सर्वसामावेश संरक्षणाची हमी देत आहे. यावेळी भाजप कामगार मोर्चाचे कार्यकर्ते तसेच शेकडो लाभार्थी उपस्थित होत.