🛑कुडाळ येथील पहाटेच्या अपघातात १ ठार तर,तिघे गंभीर जखमी..

▪️सावंतवाडीतील जय अंबे स्वीट मार्टचे मालकांचे सुपुत्र जागीच ठार..

✍🏼लोकसंवाद /- कुडाळ.

आज पहाटे कुडाळ येथे झालेल्या अपघातात सावंतवाडीतील जय अंबे स्वीट मार्टचे मालकांचे सुपुत्र रतन प्रकाश रायका (वय ४५) हे जागीच ठार झाले. ही घटना आज सकाळी ५ वाजण्याच्या सुमारास कुडाळ येथे घडली. दरम्यान यात अन्य तिघेजण जखमी झाले आहेत. लादु रायका, साई परब व निलू (पुर्ण नाव माहिती नाही) अशी त्यांची नावे आहेत. ते निपाणी येथे जत्रेसाठी गेले होते. तेथून परतत असताना हा अपघात घडला. त्यांना अधिक उपचारासाठी गोवा बांबूळी येथे हलविण्यात आले आहे. तर रतन याचा मृतदेह कुडाळ येथे ठेवण्यात आला असून शवविच्छेदनानंतर तो नातेवाईकांच्या ताब्यात देण्यात येणार आहे.

दुर्दैवाची गोष्ट अशी की २० वर्षांपूर्वी रतन याच्या भावाचा इन्सुली घाटीत अपघात झाला होता. त्यात तो ठार झाला होता. त्यानंतर या कुटुंबांवर दुसरा आघात झाला आहे. रतन हा इंजिनिअर होता. राजस्थान येथे मायनिंग कंपनीत मध्ये काम करत होता. तो काही दिवसापूर्वी या ठिकाणी आला होता. निपाणी येथे जत्रा असल्यामुळे ते चौघे ही ईको गाडीने काल सायंकाळी त्या ठिकाणी गेले होते. तिथून परतत असताना हा अपघात घडला. नेमकी गाडी कोण चालवत होते? याबाबत अधिक माहिती मिळू शकली नाही. याबाबतची माहिती त्यांचे नातेवाईकांकडून देण्यात आली. रतणच्या पश्चात पत्नी, वडील, आई आणि छोटी मुलगी असा परिवार आहे. सावंतवाडीतील जय अंबे स्वीट मार्ट या दुकानामुळे हे कुटुंब शहरात प्रसिद्ध आहे.