🛑मतिमंद गरीब मुलीवर अत्याचार करून गर्भपात केल्या प्रकरणी कुडाळ पोलीस ठाण्यात नराधमावर गुन्हा दाखल..

▪️आज कुडाळ न्यायालयात हजर गेले असता न्यायालयाने एक दिवसाची सुनावली पोलीस कोठडी..

✍🏼लोकसंवाद /- कुडाळ.

सिंधुदुर्ग जिल्ह्यातील कुडाळ तालुक्यातील एका गावात गेली सुमारे ७ वर्षे घरकामास असलेल्या व मुलीसमान मानलेल्या व ती मतिमंद मुलगी त्यांच्याच घरात राहत असल्याने मालकाने ती सज्ञान होताच शरीर संबंध ठेवले.या शरीर संबधातून ती गर्भवती झाली.त्या तरुणीचा गर्भपात करण्यासाठी परजिल्ह्यातील मुळ रहिवासी असलेल्या व गेली काही वर्षे कुडाळ तालुक्यात व्यवसाय निमित्त रहात असलेल्या एका महिला डॉक्टरने अवाढव्य रक्कम घेत सदर तरुणीचा गर्भपात केला.तोही तरुणीच्या आई,वडील,भाऊ वा नातेवाईक यांना विश्वासात न घेता केला आहे.असा आरोपही संबंधित तरुणीच्या भावाने व आई वडीलांनी केला आहे.

शासनाने गर्भपात करण्याऱ्या डॉक्टरांवर कडक कारवाई करण्याचा कायदा केला आहे. या कायद्यानुसार संबधित डॉक्टरने स्थानिक पोलीस स्टेशनकडे याबाबत कळविले होते काय ? किंवा दोन तज्ञ डॉक्टरांचे मत घेतले होते का ? किंवा जिल्हा शल्य चिकित्सक यांचेकडे सदर युवतीचे अँपेडेव्हीट घातले होते का ? याची सखोल चौकशी होऊन त्या महिला डॉक्टरवर कारवाई होणे गरजेचे आहे.

या जिल्ह्यात मैत्रीतून व बलात्काराने युवती गर्भवती होण्याचे प्रकार घडत आहेत.पण मुलीची व आपली पोलीसांत तक्रारीमुळे बदनामी होईल.म्हणून तसेच केसचा निकाल कधी लागेल याची शाश्वती नसते.म्हणून कोणीही तक्रार करण्यास पुढे येत नाहीत.

दरम्यान अशा अन्याय ग्रस्त मतिमंद मुलीच्या बाबतीत ती सज्ञान असताना सुध्दा गर्भपात करण्यासाठी ती हाँस्पिटलमध्ये गेलेली असताना तिच्या रक्ताच्या नात्यातील आई – वडिलांना व भावाला न कळविता,दुसरीच व्यक्ती गर्भपात करण्यासाठी आणते आणि गर्भपात केला जातो.हा प्रकार म्हणजे मोठी रक्कम घेऊन युवती व तिच्या आई – वडीलांवर अन्याय करणारा आहे.

परजिल्ह्यातून कुडाळ येथे आलेल्या व गुपचुप गर्भपात सातत्याने केले जात असल्याची चर्चा आता होऊ लागली आहे. त्या महिला डॉक्टरला जिल्ह्यात मोठ्या पदावर कार्यरत असलेल्या डॉक्टरकडून ती त्यांची जवळची असल्याने तिचेवर येणारे संकट काळा मार्गाने मिळविलेल्या पैशातून दूर केले जात आहे.मात्र सदर तरुणीच्या गर्भपातानंतर ७ ते ८ दिवसात त्या तरुणीने आपल्या आईस सदरची घटना सांगितली.सदर घटनेबाबत त्या मुलीच्या आई वडिलांनी व भावाने त्या गावचे सरपंच,तंटामुक्त समिती अध्यक्ष व पोलिस पाटील यांचे कानावर घातले.या घटनेबाबत सरपंच,पोलीस पाटील व गावचे तंटामुक्त समिती अध्यक्ष व मुलीचे वडील भाऊ हे याचा जाब विचारण्यास गेले असता त्या घरमालकाने ते मान्य करीत आपण आर्थिक स्वरुपात मदत म्हणून रक्कम देण्याचे आमिष दिले.पण ते वडील भाऊ व त्यांचे सोबत असलेल्या ग्रामस्थांनी नाकारले.सदर व्यक्ती हि आपल्याकडे घरकामास रहाणाऱ्या प्रत्येक मुलीवर असाच अन्याय करेल.यादृष्टीने गावातील ग्रामस्थांकडून निर्णय घेण्यात येऊन अन्याय ग्रस्त त्या मुलीने कुडाळ पोलीस ठाण्यात तक्रार दाखल केली असून,त्या घरमालकावर भादवि कलम 376,376(2)(K),376 (2)(L) 376(2)(n),354,354(1)(ii)354-B,342,506 याप्रमाणे गुन्हा दाखल करण्यात आला असून, त्याला पोलीसांनी काल अटक करून आज न्यायालयात हजर केले असता एक दिवसाची पोलीस कोठडी सुनावण्यात आली आहे.उद्या शुक्रवारी या प्रकरणातील आरोपीला हजर करण्यात येणार आहे.

जिल्हा रुग्णालयातील एक डॉक्टर हा विषय मिटविण्यासाठी जोरदार प्रयत्न करीत असल्याची चर्चा आहे. या प्रकरणात संबंधित महिला डॉक्टरला वाचविण्याचे प्रयत्न जिल्हा रुग्णालयातील डॉक्टरांकडून झाल्यास त्यांना या जिल्ह्यातून बाहेर घालविण्याची गरज आहे. या प्रकरणातील आरोपी बरोबरच गर्भपात करणाऱ्या महिला डॉक्टरने कायदा व नियमाचे पुरावे घेऊनच तो गर्भपात केला आहे का? याची सखोल चौकशी करून त्या महिला डॉक्टरांवर कायदेशीर कडक कारवाई करावी अशा प्रतिक्रिया जनतेतून व्यक्त होत आहे.