🛑निलेश राणे मालवण – कुडाळ विधानसभेचे उमेदवार लोकसभा उमेदवारीचे नावं जोडणे हे विरोधकांचे छडयंत्र..

▪️भाजप तालुकाध्यक्ष धोंडी चिंदरकर यांनी पत्रकार परिषदेतून रोखठोक मांडली भूमिका..

✍🏼लोकसंवाद/- मालवण.

माजी खासदार निलेश राणे हे कार्यकर्त्यांच्या मागणीखातर मालवण-कुडाळ विधानसभा मतदार संघात पक्ष संघटना मजबूत करण्यासाठी पक्षाच्या आदेशानुसार विधानसभा प्रमुख म्हणून कार्यरत आहेत.निलेश राणे यांनी केंद्र व राज्य सरकारच्या माध्यमातून तसेच पालकमंत्री रवींद्र चव्हाण यांच्या सहकार्यातून विकासकामांचा धडाका लावला आहे.सोबतच विरोध पक्षातील अनेकांचा भाजपामध्ये होत असलेल्या पक्षप्रवेशामुळे विरोधकांच्या पायाखालची वाळू सरकत चालली आहे.यातूनच सोशल मिडीयाचा वापर करून निलेश राणे लोकसभा निवडणुकीचे उमेदवार म्हणून वावड्या उठवल्या जात आहे.मात्र खुद्द निलेश राणे यांनीच अनेकवेळा आपण लोकसभा निवडणूक लढविणे बाबत इच्छुक नसल्याचे पक्षाकडे आणि कार्यकर्त्यांकडेही जाहीर केलेले आहे. यामुळे त्यांच्या नावाची चर्चा करून काही जण आपली पोळी भाजून घेण्याचा प्रयत्न करत आहेत. कोणीही काहीही बोलले तरी निलेश राणे हे कुडाळ मालवण विधानसभा मतदार संघातून भाजपाचे उमेदवार निश्चित असून त्यांचा विजयही मोठ्या मताधिक्याचा असेल. असा ठाम विश्वास भाजपा मालवण तालुकाध्यक्ष धोंडी चिंदरकर यांनी व्यक्त केला.

भाजपा तालुका कार्यालयात आयोजित पत्रकार परिषदेत चिंदरकर बोलत होते. यावेळी भाजपा जिल्हा उपाध्यक्ष तथा जिल्हा नियोजन समिती सदस्य अशोक सावंत, भाजपा जिल्हा उपाध्यक्ष विजय केनवडेकर, जिल्हा बँक संचालक बाबा परब, तालुका सरचिटणीस महेश मांजरेकर, माजी सभापती सुधीर साळसकर, अजिंक्य पाताडे, माजी उपासभापती राजू परूळेकर, खरेदी विक्री संघाचे अध्यक्ष राजन गावकर, संचालक आबा हडकर, नांदोस उपासरपंच विजय निकम,मोहन कुबल तसेच इतर पदाधिकारी व कार्यकर्ते उपस्थित होते.धोंडी चिंदरकर यांनी आ. वैभव नाईक यांच्यावरही जोरदार हल्लाबोल केला.

शिवसेना (शिंदे गट) जाण्याचे सर्व दरवाजे बंद झाल्याने आता त्यांच्याकडून मुख्यमंत्री एकनाथ शिंदे आणि पालकमंत्री रविंद्र चव्हाण यांच्यावर टिका करण्याचा केविलवाणा प्रयत्न सुरु आहे.नाईक यांना आपला पराभव दिसू लागल्याने ते सैरभैर झाले आहेत.भाजपाने केलेल्या विकासकामांचे श्रेय घेण्यासाठी पळापळ करत आहेत. त्यांचे कार्यकर्तेही श्रेयासाठी धडपडत आहेत. मात्र विधानसभा निवडणुकीत मतदारच नाईक यांना त्यांची जागा दाखवून देतील, असेही श्री. चिंदरकर म्हणाले.

भाजपाकडून लोकसभा निवडणूक लढविली जावी अशी तमाम कार्यकर्त्यांची आग्रही भुमीका आहे.मात्र यासाठी वरिष्ठ पातळीवर निर्णय होणार आहे.आम्ही महायुतीचे घटकपक्ष आहोत,यामुळे महायुतीच्या निर्णयानुसार लोकसभा निवडणुकीत उमेदवार मिळणार आहे.यामुळे पक्षाकडून जो उमेदवार दिला जाईल त्याला विजयी करण्यासाठी सर्व कार्यकर्ते प्रामाणिकपणे काम करणार आहेत. मात्र चुकीच्या पद्धतीने सभा घेवून लॉबिंग करून आपले घोडं पुढे नेण्याचा प्रयत्न होत असेल तर पक्षाकडून याची गंभीर दखल घेतली जाणार आहे. विकासाच्या नावाखाली जनतेला भडकवण्याचे प्रकारही जनतेच्या दरबारात टिकणार नाहीत. विरोधकांच्या टिकेला आणि खोट्या प्रचाराला भाजपा कार्यकर्ते बळी पडणार नाहीतच, मात्र स्वकियांनीही यासाठी एकसंघपणे एकदिलाने आणि एकविचाराने काम करून महायुतीचा जो उमेदवार लोकसभेसाठी असेल तो आणि मालवण कुडाळ विधानसभेसाठी निलेश राणे यांना विजयी करून भाजप युतीचा झेंडा फडकविण्यासाठी सर्वांनी सज्ज व्हावे, असेही आवाहन श्री. चिंदरकर यांनी केले आहे.

शतप्रतीशत भाजपा बनविले.

निलेश राणे यांनी मालवण कुडाळ विधानसभा प्रमुख पदावर कार्यरत झाल्यानंतर अनेक निवडणुकांमध्ये शतप्रतिशत भाजपासाठी प्रयत्न करत सर्वसामान्य कार्यकर्त्यांना सत्ताधारी बनविले आहे. अनेक ग्रामपंचायत, खरेदी विक्री संघ, सोसायटी यामध्ये आता भाजपची सत्ता आलेली आहे. दोन्ही तालुक्यातील मतदारांनी निलेश राणे यांना स्विकारले आहे. तसेच पक्ष संघटना मजबूत करताना सर्व बुथ निर्माण करत कार्यकर्त्यांना बळ दिलेले आहे. पदवीधर मतदार नोंदणीत मालवण कुडाळ मतदार संघ एक नंबर, पक्षाकडून देण्यात येणाऱ्या प्रत्येक कार्यव क्रमक निलेश राणे यांच्या नेतृत्वाखाली यशस्वी करण्यात आलेले आहे, याचे कौतुक स्वतः प्रदेश अध्यक्षांनीही केलेले आहे. यामुळे विरोधकांकडून दिशाभूल करण्याचा प -यत्न केला जात असल्याचे जिल्हा उपाध्यक्ष विजय केनवडेकर यांनी सांगितले.

मी.नाही तर आम्ही – बाबा परब.

निलेश राणे यांच्या विजयासाठी सर्व कार्यकर्ते प्रामाणिकपणे कार्यरत आहेत. सर्व कार्यकर्ते हे आम्ही विजयासाठी सज्ज आहोत, असे म्हणत आहेत. कोणीही मी हे केले, मी ते केले म्हणत नाही तर आम्ही एकत्रित राहून निलेश राणे यांचा विजय निश्चीत करूया, असे सांगत आहेत. यामुळे विधानसभा निवडणुकीत नेत्रदिपक यश निलेश राणे यांना मिळणार आहेत. आम्ही भाजपा आणि निलेश राणे यांच्या विजयासाठी सर्व ताकदीनिशी तयार आहोत, असे जिल्हा बँक संचालक बाबा परब यांनी सांगितले.