🛑कुडाळ तालुक्यात वाळूचे पास मिळाल्याने वाळू वाहतुकीचा मार्ग झाला मोकळा..

*लोकसंवाद /- कुडाळ.*

कुडाळ तालुक्यातील वाळू वाहतुकीचा मार्ग मोकळा अखेर मोकळा झाला आहे.उपविभागीय अधिकारी कार्यालय, कुडाळ यांचेकडील अनधिकृत वाहतुक व उत्खनन गौणखनिज पथकाने लिलाव प्रक्रिया करून वाळू वाहतुकीसाठी अधिकृत पास मिळाल्याने कुडाळ येथुन गोव्या पर्यंत जाण्याऱ्या वाळू वाहतुकीचा मार्ग मोकळा झाला आहे.त्यामुळे जिल्ह्यातून गोवा येथे जाणारी वाळूची वाहतूक करणे आता अधिकृत रित्या झाले आहे.तसे पास पण वाहतुकीसाठी देण्यात आले आहेत.या लिलावाची ग्रास चलनाव्दारे दिनांक ०३/०१/२०२४ रोजी भारणा केलेली आहे.ह्या लिलावाची मुदत १ महिना राहील असे नमूद करण्यात आले आहे.

उपरोक्त आढळून आलेले अनधिकृत वाळू साठे विल्हेवाटीबाबत शासन निर्णय दि. २८/०१/२०२२ रोजीच्या सुधारीत वाळू निर्गती धोरणानुसार वाळू करीता जप्त वाळू साठयाचा लिलाव करणेस तहसिलदार कुडाळ यांना प्राधिकृत केलेले आहे.गाव कुटगाव ता. कुडाळ व महाराष्ट्र औदयोगिक विकास महामंडळ कुडाळ येथे आढळून आलेल्या वाळू साठयाचा दिनांक २१/१२/२०२३ रोजी लावणेत आला परंतु वाळू साठ्याचा लिलाव घेणेस कोणीही उपस्थित नसलेमुळे पुन्हा दिनांक २९/१२/२०२३ रोजी सकाळी ११.०० वा. सदर वाळू साठयाचा जाहीर लिलाव करण्यात आला.सदर लिलावात एकूण १७७.०४ ब्रास वाळू साठा लिलावव्दारे घेणेसाठी एकूण ३ लिलावधारकांनी भाग घेतला होता.ग्रास चलनाव्दारे दिनांक ०३/०१/२०२४ रोजी भारणा केलेली आहे.या वाळूची विक्री व वाहतूक करणेसाठी दिनांक ०४/०१/२०२४ ते .दिनांक ०३/०२/२०२४ हा कालावधी देणेत येत आहे.