🛑मल्लसम्राट प्रतिष्ठान,सावंतवाडी दीपक केसरकर मित्रमंडळ यांच्या संयुक्त विद्यमाने ‘मल्लसम्राट केसरी’ कुस्ती स्पर्धेचे आयोजन..

▪️सावंतवाडीत रविवारी रंगणार कुस्तीचा थरार…

✍🏼लोकसंवाद /- सावंतवाडी.

महाराष्ट्राच्या मातीतील मर्दानी खेळ म्हणजे कुस्ती.कुस्ती या खेळाला गत वैभव प्राप्त करून देण्यासाठी मल्लसम्राट प्रतिष्ठान सावंतवाडी आणि ना. श्री. दीपकभाई केसरकर मित्रमंडळ यांनी पुढाकार घेतला असून सिंधुदुर्ग जिल्हा कुस्ती असोसिएशन यांच्या मान्यतेने सावंतवाडी येथील शिव उद्यानात रविवार दिनांक ७ जानेवारी रोजी सायंकाळी ४ वाजता ‘मल्लसम्राट केसरी कुस्ती स्पर्धा २०२४’ संपन्न होणार आहे. या स्पर्धेचे उदघाटन महाराष्ट्र राज्याचे शालेय शिक्षण व मराठी भाषा मंत्री दीपक केसरकर यांच्या हस्ते होणार असून

सदर स्पर्धा महिला आणि पुरुष अशा दोन गटात रंगणार आहेत.या स्पर्धेतील विजेत्या स्पर्धकांना विशेष बक्षीस म्हणून मानाची गदा प्रदान करण्यात येणार आहे.सहभागी प्रत्येक कुस्तीपटूला आकर्षक प्रमाणपत्र तर विजेत्या कुस्तीपटूला रोख रक्कम पारितोषिक प्रदान केले जाणार आहे.

तरी, सिंधुदुर्ग जिल्ह्यातील मल्लांनी बक्षिसांची लयलूट करावी तसेच सिंधुदुर्ग जिल्ह्यातील कुस्तीप्रेमींनी या स्पर्धेला उपस्थित रहावे, असे आवाहन मल्लसम्राट प्रतिष्ठान, सावंतवाडी यांच्या वतीने अध्यक्ष जावेद शेख, सचिव ललित हरमलकर, उपाध्यक्ष प्रा. रूपेश पाटील, खजिनदार गौरव कुडाळकर, सदस्य संकेत माळी, बुधाजी हरमलकर व समस्त मल्ल सम्राट प्रतिष्ठान परिवार, व नाम. श्री. दीपकभाई केसरकर मित्र मंडळ, सावंतवाडी यांनी केले आहे.अधिक माहितीसाठी संपर्क मोबाईल क्रमांक ललित (9673080812), गौरव (8668332060)