🛑’एस. एल .देसाई विदयालय पाट हायस्कूलचे स्नेहसंमेलन व वार्षिक पारितोषिक वितरण सोहळा उत्साहात संपन्न’..

✍🏼लोकसंवाद /- कुडाळ.

राधारंग फाउंडेशनच्या सदस्या अरुणा सामंत, भोसले नॉलेज सिटीचे सर्वेसर्वा डॉ.अच्युतराव सावंत -भोसले व एस .आर. एम. कॉलेजच्या प्राध्यापिका डॉ. शरयू आसोलकर तसेच चार्टर्ड अकाउंटंट अशोक सारंग या सर्वांच्या प्रमुख उपस्थितीत एस. के .पाटील शिक्षण प्रसारक मंडळ पाट पंचक्रोशी, पाट संचलित एस .एल .देसाई विद्यालय तथा कै. एस. आर .पाटील कनिष्ठ महाविद्यालय व कै. डॉ. विलासराव देसाई कला, वाणिज्य, विज्ञान उच्च महाविद्यालय, इंग्लिश मिडिअम स्कूल पाट येथे वार्षिक स्नेहसंमेलन व पारितोषिक वितरण समारंभ शुक्रवार दिनांक 29 डिसेंबर 2023 व शनिवार दिनांक 30 डिसेंबर 2023 या दिवशी मोठ्या उत्साहात संपन्न झाला .प्रशालेचे ज्येष्ठ शिक्षक तानाजी काळे यांनी शब्दबद्ध व संगीतबद्ध केलेल्या ईशस्तवन व स्वागत गीताने कार्यक्रमाची श्रवणीय व सुमधुर सुरुवात झाली. संस्था पदाधिकारी राजेश सामंत यांनी कार्यक्रमाचे अध्यक्ष व प्रमुख पाहुणे यांचा परिचय करून दिला. सर्व संस्था पदाधिकाऱ्यांनी सर्व मान्यवरांचा शाल, श्रीफळ, स्मृतिचिन्ह व पुष्पगुच्छ देऊन प्रशालेच्या वतीने सत्कार केला .यावेळी कनिष्ठ महाविद्यालयाच्या विनाअनुदानित विभागातील शिक्षक दिनेश नारायण परब आणि शीला संदीप सामंत यांना श्रीमती. कुंवरबेन देसाई विशेष सन्मान पुरस्कार देऊन मान्यवरांच्या हस्ते गौरविण्यात आले. संस्था पदाधिकारी राजेश सामंत यांच्या कुटुंबियातर्फे गुरुवर्य विद्याधर सामंत स्मृतिप्रीत्यर्थ आदर्श शिक्षिका दीपिका दत्तगुरु सामंत व आदर्श शिक्षकेतर कर्मचारी शैलेश कुमार तेली व श्रीधर चव्हाण यांना मान्यवरांच्या हस्ते पुरस्काराने सन्मानित करण्यात आले. प्रशालेच्या आदर्श शिक्षिका दीपिका दत्तगुरु सामंत यांनी पुरस्कार प्राप्त मिळालेली 15000 ₹ ही रक्कम प्रेमपूर्वक त्याचा स्वीकार करून त्यामध्ये 15000 ₹ रकमेची भर घालून एकूण 30000 ₹ विद्यार्थ्यांच्या शैक्षणिक प्रगतीकरिता संस्थेला आदरपूर्वक प्रदान करून आपल्या दातृत्वाचा व कृतज्ञतेचा एक आदर्श घालून दिला. प्रशालेतील 1993 च्या बॅचने स्नेहसंमेलनाचे औचित्य साधून शाळेचे रंगकामासाठी आर्थिक साहाय्य केलेव घंटा देऊन शाळेप्रती असलेली कृतज्ञता व प्रेम व्यक्त केले. या 1993 च्या बॅचचाही सन्मान संस्था पदाधिकारी दिगंबर सामंत यांच्या हस्ते करण्यात आला. त्यानंतर प्रशालेतील विद्यार्थ्यांच्या सुंदर अशा नृत्याविष्काराने आणि नाटकांनी प्रेक्षकांची मने जिंकली व कार्यक्रम रंगतदार केला. विविध परीक्षांमध्ये, स्पर्धांमध्ये प्रावीण्य मिळविलेल्या गुणवंत तसेच आदर्श विद्यार्थ्यांना सर्व मान्यवरांच्या हस्ते पारितोषिके देऊन त्यांच्या पाठीवर कौतुकाची थाप मारण्यात आली .
प्रशालेचे गणित शिक्षक विनायक कांबळे यांनी अभ्यासिका, डिजिटल वर्ग खोल्या, स्मार्ट क्लास रूम्स आधी सर्व नवीन संकल्पांची व उपक्रमांची माहिती सर्वांना करून दिली .प्रशालेतील कला शिक्षक संदीप साळसकर यांच्या कल्पनेतून, व मार्गदर्शनातून ऋग्वेद कांबळी व प्रज्योत मेस्त्री या विद्यार्थ्यांनी गणपतीची सुंदर चित्रे रेखाटली व संस्था पदाधिकारी यांना ती चित्रे भेट म्हणून दिली. कार्यक्रमाचे अध्यक्ष भोसले नॉलेज सिटीचे सर्वेसर्वा अच्युतराव सावंत भोसले यांनी यशाचे शिखर गाठण्यासाठी संयम हवाच ,अशा उपक्रमशील शाळा जिवंत ठेवणे व वाढवणे हे खूप आश्चर्यकारक व कौतुकास्पद आहे.

संभाषणासाठी इंग्रजी भाषा महत्त्वाची आहेच पण स्वतःचे विचार व्यक्त करण्यासाठी मातृभाषाच खूप महत्त्वाची असते .असे विचार त्यांनी आपल्या भाषणातून व्यक्त केले. युवा वर्गाकडे फार मोठी ताकद आहे. त्यांना जर सकारात्मक दिशा मिळाली तर ते आपले भवितव्य चांगल्या प्रकारे घडवू शकतात असे विचार माननीय अरुणा सामंत यांनी व्यक्त केले. तंत्रस्नेहाबरोबर भाषेतील तंत्रज्ञान ही आत्मसात करा. उत्तम वाचणे ,उत्तम लिहिणे, त्याचबरोबर श्रुती संवर्धन करणेही तितकेच गरजेचे असते .असा मौलिक संदेश कार्यक्रमाच्या अतिथी डॉ. शरयू आसोलकर यांनी आपल्या भाषणातून विद्यार्थ्यांना दिला. यशापर्यंत आपण पोहोचले पाहिजे. स्वाभिमान ,कष्ट, संयम, चिकाटी खरे बोलणे, प्रामाणिकपणा या गुणांची कास धरा असे मौलिक विचार अतिथी अशोक सारंग यांनी आपले भाषणातून व्यक्त केले. या सर्व मान्यवरांच्या विचारांमुळे शालेय परिसरात सकारात्मकता निर्माण झाली.

या कार्यक्रमासाठी पाटगावच्या सुकन्या एडवोकेट विभूती देसाई, परुळे हायस्कूलचे माजी मुख्याध्यापक दत्तात्रय सामंत, निलेश सामंत , मंदार प्रभू, अर्चना प्रभू, सचिन सामंत, दत्तगुरु सामंत, पत्रकार प्रमोद ठाकूर, संस्थेचे कार्याध्यक्ष समाधान परब ,कार्यवाह सुधीर ठाकूर, संस्था पदाधिकारी गणपत नार्वेकर ,नारायण तळवडेकर, दीपक पाटकर तसेच प्रशालेचे मुख्याध्यापक शामराव कोरे, पर्यवेक्षक राजन हंजनकर , शिक्षक प्रतिनिधी संदीप साळसकर, माडयाचीवाडीचे मुख्याध्यापक बाळकृष्ण रावण, शुभांगी साळसकर ज्येष्ठ शिक्षक गुरुनाथ केरकर, पारितोषिक प्रमुख सयाजी बोंदर,इंग्लिश मीडियम स्कूलचे मुख्याध्यापक तुषार आंबेडकर,शिक्षकेतर प्रतिनिधी विलास म्हापणकर , विद्यालयातील सर्व शिक्षक व शिक्षकेतर कर्मचारी विद्यार्थी उपस्थित होते. कार्यक्रमाचे सूत्रसंचालन दिनेश परब, शीला सामंत, संदीप साळसकर, जान्हवी पडते व आभार विजय मेस्त्री आणि राजन हंजनकर यांनी मानले.अशाप्रकारे दोन दिवस चाललेल्या कनिष्ठ व उच्च महाविद्यालय तसेच माध्यमिक विद्यालयाचे स्नेहसंमेलन मोठ्या थाटात व उत्साहात संपन्न झाले.