🛑वेतोरे पशुवैद्यकीय दवाखान्यात तात्काळ पशुवैद्यकीय अधिकारी नियुक्त करावा.;सरपंच व उपसरपंचांची आग्रही मागणी.

▪️भाजपाच्या मागणीची तातडीने दखल घेत आठवड्यातुन दोन दिवस पशुवैद्यकीय दवाखान्यात डाॅक्टर उपलब्ध रहाणार..

✍🏼लोकसंवाद /- वेंगुर्ला.

वेंगुर्ले तालुक्यातील वेतोरे येथे पशुवैद्यकीय दवाखाना अस्तित्वात आहे .परंतु वैद्यकीय अधिकारी पद रिक्त असल्याने गेले कित्येक महीने सदर दवाखाना बंद स्थितीत आहे . त्यामुळे आडेली , मठ , पालकरवाडी , वेतोरे , खानोली , दाभोली , वायंगणी या ग्रामपंचायत हद्दीत रहाणार्‍या पशुपालक शेतकऱ्यांना त्याचा नाहक त्रास सहन करावा लागत आहे . तसेच दुसर्‍या ठीकाणी उपचारासाठी जावे लागत असल्याने गोर गरीब शेतकऱ्याला नाहक आर्थिक भुर्दंड सोसावा लागत आहे . तसेच गुरांचे प्रतिबंधक लसीकरण होत नसल्याने गुरांना वेगवेगळे आजार होऊन , गुरे दगावण्याचे प्रमाण वाढले आहे.

सद्यस्थितीत वेतोरे येथील पशुवैद्यकीय अधिकारी हे पद रिक्त असल्यामुळे कांबळेवीर येथील पशुवैद्यकीय अधिकाऱ्याकडे अतिरिक्त कार्यभार सोपविण्यात आला आहे . त्यामुळे आडेली जि.प. मतदार संघातील पशुपालक शेतकऱ्यांच्या जनावरांना काही इजा झाल्यास वेळेवर जनावराना वैद्यकीय सेवा मिळत नाही . याची दखल घेत आडेली जि.प.मतदार संघातील भाजपाचे पदाधिकारी व सरपंच ,उपसरपंच यांनी जिल्हा उपाध्यक्ष प्रसंन्ना उर्फ बाळु देसाई यांच्या नेतृत्वाखाली सहायक आयुक्त , पशुसंवर्धन अधिकारी – वेंगुर्ले चे डाॅ.चव्हाण यांची भेट घेऊन तातडीने वेतोरे येथील पशुवैद्यकीय दवाखान्यात वैद्यकीय अधिकारी नियुक्त करावा , अशी आग्रही मागणी केली . या मागणीची तीव्रता लक्षात घेऊन कायमस्वरूपी वैद्यकीय अधिकाऱ्याची नेमणूक होण्यापूर्वी आठवड्यातुन दोन दिवस , म्हणजेच मंगळवार व गुरवार या दिवशी वेतोरे येथील दवाखान्यात वैद्यकीय अधिकारी हजर रहातील असे अभिवचन भाजपा सरपंच व पदाधिकाऱ्यांना दिले.

यावेळी पालकरवाडी सरपंच बंड्या पाटील , खानोली सरपंच सुभाष खानोलकर , मठ उपसरपंच बंटी गावडे , वायंगणी उपसरपंच रवींद्र धोंड , वेतोरे शक्तिकेंद्र प्रमुख सुधीर गावडे , आडेली शक्तिकेंद्र प्रमुख विजय बोवलेकर , पालकरवाडी बुथप्रमुख दिपक करंगुटकर , सरपंच संघटनेचे विष्णु उर्फ पपु परब , जिल्हा का. का.सदस्य मनवेल फर्नांडिस , निलेश मांजरेकर , आनंद मेस्त्री , सायमन आल्मेडा , दादा तांडेल इत्यादी उपस्थित होते .