🛑सिंधुदुर्गात कर्नाटक मंत्री प्रीयांक खरगे यांचा निषेध,भाजपा युवा मोर्चाने केला जोडो मारो करत निषेध..

✍🏼लोकसंवाद /- सिंधुदुर्ग.

स्वातंत्र्यवीर विनायक दामोदर सावरकर यांच्या बद्दल आक्षेपार्ह आणि बेजबादार विधान काँग्रेस पक्षाचे राष्ट्रीय अध्यक्ष मल्लिकार्जुन खरगे यांचे कुपूत्र कर्नाटक राज्यसरकार मंत्री प्रीयंक खरगे यांचा आज सिंधुदुर्ग जिल्ह्यातील कणकवली तालुक्यात भाजयुमोच्या वतीने जोडो मारो आंदोलन करून निषेध व्यक्त करण्यात आला. यावेळी बोलताना सिंधुदुर्ग भाजपा युवा मोर्चाचे अध्यक्ष संदीप मेस्त्री यांनी निषेध व्यक्त करताना म्हणाले काँग्रेस सरकारची सत्ता कर्नाटक राज्यात आल्यावर छत्रपती शिवाजी महाराजांचा पुतळा हटवण्यात आला, आज विधानभवनातील वीर सावरकरांचे तैलचित्र हटवण्याची मागणी खरगे यांनी केली व स्वातंत्र्यवीर सावरकरांचे योगदान काय असे प्रश्न विचारत आपले अज्ञान पाजळत अपमान केला त्याचा महाराष्ट्र राज्यभर भाजयूमोच्या वतीने निषेध केला जात असून आम्ही भारतीय जनता युवा मोर्चा सिंधुदुर्गच्या वतीने तिन्ही विधानसभेत जोडो मारो आंदोलन केले जात आहे. यावेळी जिल्हाध्यक्ष संदीप मेस्त्री, सरचिटणीस संतोष पुजारे, तालुकाध्यक्ष नितीन पाडावे, सोशल मीडियाचे समीर प्रभूगावकर,सुभाष मालांडकर, नामदेव जाधव,राजू हिर्लेकर, सदा चव्हाण, प्रशांत राणे, परेश कांबळी, स्वरूप कोरगावकर,लवू परब,प्रसाद देसाई, अभी देसाई, रोहित ठाकूर उपस्थित होते.