🛑कुडाळ शहरातिल तीन पानस्टॉलवर अन्न औषध प्रशासन विभागाची कारवाई..

▪️६ हजार ५४७ रूपयाचा गुटखा जप्त तिघांवर गुन्हा दाखल..

✍🏼लोकसंवाद /- कुडाळ.

कुडाळ शहरातील पान स्टॉल व दुकानांवर अन्न औषध प्रशासन विभागाच्या पथकाने छापा टाकून कारवाई केली.आरोग्यास घातक असलेला, अपायकारक व महाराष्ट्रात प्रतिबंधित असलेला गुटखाची विक्रीसाठी साठवणूक व विक्री करून अन्न सुरक्षा व मानके कायदा व आदेशाचे उल्लंघन केल्या प्रकरणी तिघांवर गुन्हा दाखल करण्यात आला आहे.

सहायक आयुक्त अन्न व औषध प्रशासन यांच्या पथकाने ही कारवाई केली.यानुसार गुरूवारी दुपारी १२.१५ बाबा चॉंद पान स्टॉल कुडाळ पानबाजार बाबा चॉंद दरगाह जवळ येथे या विभागाने छापा टाकला यावेळी दुकानाची तपासणी केली असता हमीद नियाज शेख ४५ रा पानबाजार यांच्या स्टॉलवर महाराष्ट्र राज्यात प्रतिबंधक असलेला विमल पानमसाला ,आर एम डी पानमसाला नजर यासारखा १ हजार ९३४ रूपये किमतीचा सापडलेला गुटखा जप्त केला. यानंतर पानबाजार कुडाळ येथे दुसरा छापा टाकला.येथील इम्रान चॉंदसाहब मुजावर ४२ पानबाजार कुडाळ यांच्या दुकानात महाराष्ट्रात प्रतिबंधित असलेला १ हजार १०५ रू किंमतीचा विमल, नजर, आर एमडी यासारखा गुटखा जप्त केला. यानंतर कुडाळ बस स्थानक समोर मे राजाराम लक्ष्मण सावंत पानस्टॉल वर छापा टाकला.राजाराम लक्ष्मण सावंत ४५ रा देऊळवाडी बांबुळी यांच्या पान स्टॉल वर नजरसह ३ हजार ५०८ रूचा गुटखा आढळून आला.हा गुटखा जप्त केला.या तीनही कारवाईत 6 हजार 547 रू चा गुटखा जप्त करण्यात आला आहे. आरोग्यास घातक असलेला, अपायकारक व महाराष्ट्रात प्रतिबंधित असलेला गुटखाची विक्रीसाठी साठवणूक व विक्री करून अन्न सुरक्षा व मानके कायदा व आदेशाचे उल्लंघन केल्या प्रकरणी हमीद नियाज शेख ,इम्रान चॉंदसाहब मुजावर व राजाराम लक्ष्मण सावंत या तिघांवर गुन्हा दाखल करण्यात आला आहे. प्रतिबंधित अन्न पदार्थ प्रकरणी सर्व स्तरावर तपास चौकशी होऊन जनहित व जन आरोग्याच्या दृष्टीने या प्रतिबंधीत अन्न पदार्थ यांचा महाराष्ट्र राज्यात होणारा चोरटा व्यापार थांबविण्याच्या उद्देशाने ही कारवाई करण्यात आली अशी माहिती अन्न व औषध प्रशासन विभागाच्या वतीने देण्यात आली आहे. या घटनेची फिर्याद कुडाळ पोलिसात अन्न सुरक्षा अधिकारी किशोर आत्माराम साळुंखे यांनी दिली आहे अशी माहिती कुडाळ पोलिसांनी दिली.