🛑 ४ डिसेंबरला मालवण राजकोट येथे प्रधानमंत्री नरेंद्र मोदी यांच्या उपस्थितीत छत्रपती शिवाजी महाराजांच्या पुतळ्याचे होणार अनावरण..

▪️याच पार्श्वभूमीवर मुख्यमंत्री एकनाथ शिंदे यांनी आज केली पाहणी..

✍🏼लोकसंवाद /- मालवण:.

भारतीय नौसेना दिनानिमित्त दि. ४ डिसेंबर रोजी मालवण किनाऱ्यावरील राजकोट येथे प्रधानमंत्री नरेंद्र मोदी यांच्या उपस्थितीत छत्रपती शिवाजी महाराजांच्या पुतळ्याचे अनावरण होणार आहे, या समारंभाच्या पूर्वतयारीची मुख्यमंत्री एकनाथ शिंदे यांनी आज पाहणी करुन पूर्वतयारीचा आढावा घेतला.यावेळी मुख्यमंत्र्यांनी राजकोट येथे उभारण्यात येणाऱ्या छत्रपती शिवाजी महाराजांच्या पुतळ्याची आणि राजकोट किल्ल्याच्या कामाची तसेच टोपीवाला बोर्डिंग ग्राउंड येथील हेलिपॅडची देखील पाहणी केली आणि प्रशासनाला सुयोग्य नियोजनाचे निर्देश दिले.उद्योगमंत्री उदय सामंत,शिक्षणमंत्री दिपक केसरकर,विभागीय आयुक्त डॉ महेंद्र कल्याणकर, जिल्हाधिकारी किशोर तावडे, मुख्य कार्यकारी अधिकारी प्रज्योत नायर, पोलीस अधिक्षक सौरभ अग्रवाल तसेच नौदलाचे वरिष्ठ अधिकारी उपस्थित होते.