🛑वैद्यकीय महाविद्यालयाच्या कारभाराविरोधात राष्ट्रवादी आक्रमक.;अधिष्ठात्यांना विचारला जाब.

✍🏼लोकसंवाद /- सिंधुदुर्ग.

सिंधुदुर्ग शासकीय वैद्यकीय महाविद्यालयात सुरू असलेल्या भोंगळ कारभारा विरोधात आज शरद पवार गटाच्या माध्यमातून आवाज उठविण्यात आला. यावेळी तेथील अस्वच्छता, रुग्णांना मिळत नसलेली सेवा आदींबाबत महाविद्यालयाच्या अधिष्ठाता डॉ. सुनिता रामानंद यांना जाब विचारण्यात आला.

दरम्यान महाविद्यालयाला नव्याने मंजुरी मिळालेली आहे. परंतु अद्यापपर्यंत आवश्यक असलेली पदे भरण्यात आली नाही. त्यामुळे जो पर्यंत सर्व प्रथम पदे भरली जात नाही तोपर्यंत महाविद्यालय सक्षमपणे सुरू होऊ शकत नाही. त्यामुळे अपेक्षित असलेली आरोग्य सेवा मिळणे अशक्य आहे, असे त्यांनी यावेळी शिष्टमंडळाला सांगितले. राष्ट्रवादी जिल्हाध्यक्ष अमित सामंत यांच्या नेतृत्वाखाली शिष्टमंडळाने ही भेट घेतली. यावेळी भास्कर परब, प्रांतीक सदस्य निलेश गोवेकर,बाळ कनयाळकर, प्रतिक सावंत आदी पदाधिकारी उपस्थित होते.