🛑निष्काळजीपणे वाहन चालवून गंभीर दुखापतीस कारणीभूत ठरल्याचे आरोपातून आरोपीची निर्दोष मुक्तता.;आरोपी तर्फे ॲड विवेक मांडकुलकर यांनी काम पाहिले.

✍🏼लोकसंवाद /- कुडाळ.

निष्काळजीपणे वाहन चालवून गंभीर दुखापतीस कारणीभूत ठरल्याचे आरोपातून आज रिक्षा चालक श्री.यशवंत महादेव वराडकर रा.झाराप याची कुडाळ येथील मे प्रथमवर्ग न्यायदंडाधिकारी श्री. पी.आर.ढोरे यांनी सबळ पुरव्या अभावी निर्दोष मुक्तता केली. आरोपी तर्फे ॲड विवेक मांडकुलकर, ॲड प्रणाली मोरे, ॲड भुवनेश प्रभुखानोलकर,ॲड प्रज्ञा पाटील यांनी काम पाहिले.

दिनांक ०७/०५/२०२२ रोजी फिर्यादी त्याच्या पत्नी सह संत राऊळ महाराज रोडने जात असताना अँल्युमिनिअम फॅक्टरी समोर आरोपीने त्याच्या ताब्यातील रिक्षाने फिर्यादीच्या मोटरसायकलला उजव्या बाजूने ठोकर दिल्याने फिर्यादीची पत्नी रस्त्यावर फेकली जाऊन तिला गंभीर दुखापत झाल्याने रिक्षाचालका विरुद्ध कुडाळ पोलीस ठाणे येथे फिर्याद देण्यात आली होती. त्यानुसार आरोपी विरुद्ध भा.दं.वि कलम २७९, ३३७, ३३८ तसेच मोटर वाहन कायदा कलम १८४, १३४, ६६, १०२ नुसार गुन्हा दाखल करण्यात आला होता.
सदर कामी सरकार पक्षातर्फे ५ साक्षीदार तपासण्यात आले होते. साक्षीदारांच्या साक्षीतील तफावत व आरोपी तर्फे ॲड विवेक मांडकुलकर यांनी केलेला युक्तिवाद ग्राह्य मानून आरोपीची मे प्रथमवर्ग न्यायदंडाधिकारी श्री.पी.आर.ढोरे यांनी निर्दोष मुक्तता केली.