🛑सिंधुदुर्ग जिल्हा शास.निमशासकीय कर्मचारी पतपेढी तर्फे मयत सभासदाच्या वारसास आर्थिक मदत..

✍🏼लोकसंवाद /- सिंधुदुर्ग.

सिंधुदुर्ग जिल्हा शास.निमशासकीय कर्मचारी पतपेढी तर्फे मयत सभासदाच्या वारसास आर्थिक मदत करण्यात आली.संस्थेच्या मयत सभासदाच्या वारसास आर्थिक मदत करतेवेळी मा. अध्यक्ष म्हणाले की.सिंधुदुर्ग जिल्हा शासकीय निमशासकीय सह. बँक इ. कर्मचारी सहकारी पतपेढी मर्या. सिंधुदुर्ग ही संस्था स्थापनेपासून सर्व सभासदांचे हित सांभाळणारी व माणुसकी जपणारी संस्था आहे.संस्थेचे संचालक मंडळ, सर्व कर्मचारी वृंद प्रत्येक सभासदाच्या आर्थिक,सामाजिक व कौटुंबिक सुखदुःखात सहभागी होण्यासाठी कटिबध्द आहे,असे गौरवदगार संस्था अध्यक्ष श्री.शरद नारकर यांनी मांडले.

संस्थेच्या धोरणानुसार संस्थेमधील कोणत्याही सभासदाचा मृत्यु झाल्यास त्यांच्या वारसास संस्थेमार्फत आर्थिक मदत केली जाते. याचाच एक भाग म्हणून काही दिवसापुर्वी संस्थेचे सभासद कै. श्री. मुकुंद वाळकु कोकाटे (तहसिल कार्यालय वैभववाडी) याचे निधन झाल्याने त्यांच्या वारसास रु.२५०००/- ची संस्थेमार्फत आर्थिक मदत करण्यात आली.त्यावेळी उपस्थित संस्थेचे अध्यक्ष श्री. शरद नारकर, तज्ज्ञ संचालक श्री. नितीन जठार, सल्लागार श्री. संजय पाताडे, कासार्डे शाखाव्यवस्थापक श्रीम. योगिता परब, सभासद श्रीम. वर्षा मोहिते, कर्मचारी वर्ग व इतर.