🛑2024 मध्ये कुडाळ मालवणचे आमदार निलेश राणेच असतील..

▪️निलेश राणे यांच्या त्या ट्वीट नंतर भाजप प्रदेश कार्यकारणी सदस्य दत्ता सामंत यांनी मांडली भूमिका..

✍🏼लोकसंवाद /- मालवण.

आताच निलेश राणे साहेबांचं ट्विट वाचल. निलेश राणे साहेबानी हा निर्णय मागे घ्यावा. 2024 मध्ये कुडाळ मालवण मधुन आमदार हे निलेश राणेसाहेबच असतील. निलेश राणे साहेबांना आम्ही निवडणून आणल्याशिवाय स्वस्त बसणार नाही. आम्ही त्यांच्या पाठीशी खंबिर् पणे उभे राहू. निलेश राणे आपला निर्णय नक्की मागे घेतील अशा विश्वास आहे आणी तो त्यांनी तो निर्णय घ्यावा. हा माझा आग्रह राहणार आहे. अशी भूमिका दत्ता सामंत, महाराष्ट्र प्रदेश सदस्य भाजप यांनी मांडली आहे.

कुडाळ मालवण भाजपा विधानसभा प्रमुख माजी खासदार निलेश राणे यांनी मंगळवारी सकाळी ट्वीट करत एक राजकीय भूमिका मांडली होती.

ट्वीट मध्ये निलेश राणे म्हणाले, मी सक्रिय राजकारणातून कायमचा बाजूला होत आहे, आता राजकरणात मन रमत नाही, इतर काही कारण नाही.

मागच्या १९/२० वर्षा मध्ये आपण सगळ्यांनी मला खूप प्रेम दिलं, कारण नसताना माझ्या सोबत राहिलात त्या बद्दल मी आपला खूप आभारी आहे. BJP मध्ये खूप ‘प्रेम भेटलं आणि BJP सारख्या एका उत्तम संघटनेत काम करण्याची संधी मिळाली त्या बद्दल मी खूप नशीबवान आहे.

मी एक लहान माणूस आहे पण राजकरणात खूप काही शिकायला मिळालं आणि काही सहकारी कुटुंब म्हणून कायमचं मनात घर करून गेले, आयुष्यात त्यांचा मी नेहमी ऋणी राहीन. निवडणूक लढवणं वगैरे यात मला आता रस राहिला नाही, टीका करणारे टीका करतील पण जिथे मनाला पटत नाही तिथे वेळ स्वतःचा आणि इतरांचा वाया घालवणे मला पटत नाही. कळत नकळत मी काही लोकांना दुखावलं असेल त्याबद्दल मी दिलगिरी व्यक्त करतो.तुम्हा सर्वांना माझ्या शुभेच्छा.जय महाराष्ट्र!