🛑पाट हायस्कूल येथे डॉ. महेश अभ्यंकर यांचे NEET,JEE,CET प्रवेश परीक्षा मार्गदर्शन..

✍🏼लोकसंवाद /- कुडाळ.

एस. के. पाटील शिक्षण प्रसारक मंडळ पाट, पंचक्रोशी पाट ता. कुडाळ संचलित एस. एल. देसाई विद्यालय व कै. सौ. एस. आर. पाटील कनिष्ठ महाविद्यालय पाट येथे रविवार दिनांक 22 ऑक्टोबर 2023 रोजी सकाळी 10:00 ते दुपारी 1:00 या वेळेत विनामूल्य प्रवेश परीक्षा मार्गदर्शन वर्ग आयोजित करण्यात आला आहे.

ग्लो- डर्मा कंपनीचे डायरेक्टर, उत्तम प्रशिक्षक, व्यवस्थापन सल्लागार, 1500 वैद्यकीय व्याख्यान देणारे तरुण डॉक्टर वक्ते, औषध निर्माण तज्ञ आणि उत्तम संशोधक तसेच कोविड योद्धा 2021 पुरस्कार प्राप्त, इमोझील पुस्तकाचा 10000 टप्पा पूर्ण केलेले असे अष्टपैलू व्यक्तिमत्व असणारे डॉ. महेश अभ्यंकर यांचे मार्गदर्शन सदर वर्गास होणार आहे. ही सिंधुदुर्गातील विद्यार्थ्यांसाठी सुवर्णसंधी आहे.

तरी सदर मार्गदर्शन वर्गास जिल्ह्यातील विज्ञान शाखेच्या विद्यार्थ्यांनी उपस्थित राहण्याचे मा. सचिव एस. के. पाटील शिक्षण प्रसारक मंडळ पाट, पंचक्रोशी पाट ता. कुडाळ जि. सिंधुदुर्ग यांनी जाहीर आवाहन केले आहे.