🛑तुळस येथे बिबट्याच्या हल्ल्यात बैलाचा मृत्यू..

✍🏼लोकसंवाद /- वेंगुर्ला.

वेंगुर्ले तालुक्यातील तुळस वडखोल वरची धनगरवाडी येथील शेतकरी गंगाराम विठू शेळके यांच्या बैलावर
बिबट्याने हल्ला केल्याने तो मृत्युमुखी पडला. ही घटना रविवारी सकाळी 10 वा.च्या सुमारास घडली. त्यांचे वीस हजार रुपयांचे नुकसान झाले आहे.गंगाराम शेळके यांनी चारायला सोडलेल्या गुरामधील या बैलावर बिबट्याने हल्ला केला. या घटनेची माहिवनविभागाला दिल्यावर वनपाल सावळा कांबळे,तुळस वनरक्षक व्ही.एस. नरळे यांनी पाहणी करून पंचनामा केला.यावेळी तुळस ग्रा.पं.सरपंचा रश्मी परब ,ग्रा.पं. सदस्या मयुरी बरागडे आदीसह स्थानिक ग्रामस्थ उपस्थित होते.
दरम्यान चार दिवसांपूर्वी बिबट्याने मयुरी बरागडे यांच्या बकऱ्यांच्या कळपावर हल्ला करून एक शेळी फस्त केली असून त्यांचे नऊ हजार रुपयांचे नुकसान झाले आहे. तुळस भागात बिबट्याच्या वावराने शेतकरी व ग्रामस्थांमध्ये भीतीचे वातावरण पसरले असून संबंधित विभागाने त्वरित उपाययोजना कराव्यात ,अशी मागणी शेतकऱ्यातून करण्यात आली आहे.