🛑वेंगुर्ले पोलीस निरीक्षक अतुल जाधव आणि टीमची उत्कृष्ट कामगिरी,सर्वत्र होतेय कौतुक..

✍🏼लोकसंवाद /- वेंगुर्ला.

तालुक्यातील तुळस पलतडवाडी येथे घरफोडी झाली होती.यामध्ये ‘ निरांजन’ सह एकूण 12 हजार 700 रुपयां चे साहित्य चोरीस गेले होते. याबाबत काल रविवारी सायंकाळी 4 वा. तक्रार दाखल होऊन गुन्हा दाखल झाला होता.दरम्यान
बीट अंमलदार व महिला पोलिस हवालदार रंजिता चौहान,पो.कॉ. अमर कांडर, पोलिस प्रथमेश पालकर यांनी उल्लेखनीय कामगिरी करुन वेंगुर्ला पोलीस ठाण्यात दाखल घरफोडीच्या गुन्ह्यातील चोरीस गेलेला सर्व माल रात्री 8.30वा. अवघ्या 5 तासात जप्त करुन गुन्हा उघडकीस आणला. या घटने बाबत संजना जगदिश नाईक (वय 54 ) रा. तुळस पलतडवाडी व सध्या रा. मुंबई यांनी तक्रार दिली होती. त्या गणपती सणाला काल 17 सप्टेंबर रोजी सकाळी आपल्या मुळ गांवी आल्या असता ही घटना निदर्शनास आली होती.
सदर गुन्ह्यातील् संशयित मनोज रामचंद्र नाईक ( वय 20) व रामचंद्र मदन नाईक, (वय 45 ), दोन्ही राहणार तुळस पलतडवाडी ता. वेंगुर्ला यांनी दिनांक 14 सप्टेंबर रोजी सकाळी 07:10 वा. ते 17 सप्टेंबर रोजी 6 वा.च्या मुदतीत संजना नाईक यांच राहते मूळ घरा च्या बाथरूमच्या काचा काढून घरात प्रवेश करून एकुन् 12 हजार 700 रुपये किमतीच्या वस्तू त्यात “निरांजन” , गिझर, बाथरुमचे स्टीलचे सर्व नळ, घरातील इलेक्ट्रिकल बोर्ड, गणपतीच्या माटवीच्या स्टीलच्या साखळ्या, घराबाहेरील विहिरीला बसविलेला मोटर पंप अशा वस्तु चोरून नेल्या , अशी फिर्याद दाखल झाली होती. त्यानुसार संशयिता विरोधात
380, 454, 457, 504, 506, 34 प्रमाणे गुन्हा दाखल झाला होता. गुन्हा दाखल होताच कर्तव्यदक्ष पोलीस निरीक्षक अतुल जाधव यांच्या मार्गदर्शनाखाली बीट अंमलदार म.पो.हवालदार रंजिता चौहान, पो.काॅ. अमर कांडर ,पो.काॅ. प्रथमेश पालकर यांनी अवघ्या पाच तासात आरोपीच्या ताब्यातून चोरीस गेले सर्व साहित्य जप्त करुन गुन्हा उघडकीस आणला. त्यांच्या कामगिरीचे सर्वत्र कौतुक होत आहे. वेंगुर्ले पोलिसांनी मागील कालावधीत पोलिस निरीक्षक अतुल जाधव यांच्या मार्गदर्शनात अनेक गुन्ह्यात ताबडतोब ऍक्शन घेत कारवाया केल्या असून श्री गणेशोत्सव सणाच्या तोंडावर केलेल्या या कामगिरीने नागरिकातून कौतुक होत असून समाधान व्यक्त होत आहे.