🛑निवती आडवेळवाडीत जाणाऱ्या रस्त्यावरील अनधिकृत बांधकाम तोडून सरपंच अवधूत रेगे यांनी आक्रमक पवित्रा घेत रस्ता केला वाहतुकीस खुला..

✍🏼लोकसंवाद /- कुडाळ.

निवती मेढा आडवेळ येथील रस्त्यावरील अतिक्रमण हटविण्यासाठी तेथील ग्रामस्थांनी १५ ऑगस्ट रोजी तब्बल १२ तास उपोषण केले होते.आज खऱ्या अर्थाने ग्रामस्थांच्या मागणीला अखेर यश आले आहे.

निवती आडवेळवाडीत जाणारा दिड किलोमीटर रस्ता हा गेली २५ वर्ष असून या वाडीत ५० ते ६० लोकांची वस्ती असून,सदर रस्त्यांवर ६ वर्ष अनधिकृत बांधकाम केल्याने हा रस्ता वाहतुकीसाठी बंद होता.

निवती मेढा आडवेळवाडीत जाणाऱ्या रस्त्यावरील तीन ठिकाणी अज्ञात व्यक्तींकडून करण्यात आलेले अनधिकृत बांधकाम गटविकास अधिकारी पुनम राणे यांच्या लेखी आदेशाने निवती पोलिस यांच्या चोख बंदोबस्तात मेढा ग्रामपंचायतीचे सरपंच अवधूत रेगे यांनी आक्रमक पवित्रा घेत जेसीबीच्या सहाय्याने तोडून रस्ता वाहतुकीस सुरू केला आहे.

यावेळी निवती सरपंच अवधूत रेगे यांच्यासोबत ग्रामविकास अधिकारी श्रीमती अपर्णा पाटील,सदस्य प्रज्योत मेतर, प्रकाश खोबरेकर, नमिता घाटवळ , तृप्ती कांबळी,शितल पाटकर,निवती पोलिस निरीक्षक श्री.तौसिफ सय्यद ,पोलीस कर्मचारी नाना कांदळगांवकर,अर्चना कुडाळकर,पराग पोफळे,सुचिता पाडावे योलिस, श्री भांगरे, तसेच आडवेळवाडीतील ग्रामस्थ गजानन रावले, विजय रावले,संजय रावले, राजन रावले,शंकर रावले,दिलीप कोचरेकर,नारायण कोचरेकर,ऋतिक कोचरेकर यांच्यासह आडवेळवाडीतील महिला ग्रामस्थ मोठ्या संख्येने उपस्थित होते.

निवती आडवेळवाडीत जाणारा दिड किलोमीटर अंतरापर्यंत रस्ता हा गेली २५ वर्ष असून या वाडीत ५० ते ६० लोकवस्ती असून सदर रस्ता गेली ६ वर्षे तिन ठिकाणी अनाधिकृत बांधकाम केल्याने हा रस्ता वाहतुकीसाठी बंद होता.येथून प्रवास करणारे वाडीतील नागरीक,शाळेत जाणारे विद्यार्थी,गरोदर स्त्री,तसेच आजारी माणसांना येथून ये-जा करताना मोठी कसरत करावी लागत असे.तर यापूर्वी या अनधिकृत बांधकामासंबंधी २०१५ मध्ये आमदार दिपक केसरकर यांच्या आदेशाने येथिल बांधकाम तोडण्यात आले होते.परंतु यानंतर २७ दिवसांनी या ठिकाणच्या रस्त्यावर पुन्हा तीन ठिकाणी अनधिकृत बांधकाम करण्यात आले.यानंर पत्रव्यवहार करून सुद्धा कोणतीही कारवाई होत नसल्याबाबत निवती मेढा आडवेळवाडीतील ग्रामस्थांनी आक्रमक पवित्रा घेत १५ ऑगस्ट २०२३ रोजी वेंगुर्ले तहसीलदार कार्यालय समोर ग्रामस्थांनी आमरण उपोषण करण्यात आले.या उपोषणावेळी निवती मेढा सरपंच अवधूत रेगे यांनी ग्रामस्थांच्या पाठीमागे ठामपणे उभे राहत उपोषणाला पाठिंबा देत आक्रमक भूमिका घेतली.त्यानंतर उपोषण स्थळी कोकण विभाग महीला अध्यक्ष सौ.अर्चना ताई – घारे यांना बोलावत प्रशासनाला धारेवर धरत जोपर्यंत ठोस लेखी आश्वासन मिळत नाही.तोपर्यंत उपोषणावर ठाम राहण्याचा निर्णय घेतला होता.यावेळी वेंगुर्ला तहशीलदार श्री.ओंकार ओतारी यांनी निवासी तहशीलदार सुवर्णा केळकर, निवडणूक नायब तहसीलदार संदीप पानमंद व प्रांताधिकारी श्री.चव्हाण या अधिकाऱ्यांनी उपोषणकरर्त्याची विचारपुस केली.तर प्रश्न समजुन घेवुन मार्गी लावण्यासाठी जिल्ह्याचे पोलीस अधीक्षक सौरभकुमार अग्रवाल यांच्याशी सल्ला मसलत करुन उपोषण करणाऱ्यांना आश्वासीत केले.व उपोषण मागे घेण्यासाठी विनंती केली.तर डीवायएसपी श्रीमती संध्या गावडे व निवती पोलीस ठाण्याचे पोलीस निरीक्षक श्री.तौसिफ सय्यद यांनीही त्यावेळी जातीनिशी लक्ष घालुन तहसीलदार ओंकार ओतारी व पंचायत समितीचे गटविकास अधिकारी पूनम राणे यांना एकत्रीत करुन पुर्ण प्रकरण समजुन घेवुन त्यावर तोडगा काढला.व तातडीने संबंधित अतिक्रमण काढण्यासंदर्भात पाऊले उचलून गटविकास अधिकारी राणे मॅडन यांनी पोलीस प्रशासनास तसे पत्र दिल्यानंतर हे आंदोलन त्यावेळी मागे घेण्यात आले होते.

गटविकास अधिकारी पुनम राणे यांनी अनधिकृत असलेले बांधकाम पाडण्याचे आदेश लेखी पत्राने दिले होते.त्यानुसार आज मंगळवारी हे अनधिकृत बांधकाम तोडण्यात आले.अनधिकृत बांधकाम तोडल्यानंतर ग्रामस्थांकडून समाधान व्यक्त करण्यात सरपंच अवधूत रेगे यांचे विशेष आभार मानण्यात आले.