🛑कणकवली मराठा समाजाकडून जाहीर केलेल्या मोर्चाला शिवसेना ओबीसी सेलचा पाठिंबा.;रुपेश पावसकर.

✍🏼लोकसंवाद /- कुडाळ.

जालना येथील मराठा समाज बांधवांवर झालेल्या लाठीचार्जच्या विरोधात कणकवली मराठा समाजाकडून सोमवारी जाहीर केलेल्या मोर्चाला उबाठा सेनेचा ओबीसी समाजाचा पाठिंबा आहे.अशी भूमिका उबाठा शिवसेना ओबीसी सेलचे जिल्हाप्रमुख रुपेश पावसकर यांनी जाहीर केली आहे.जालन्यात मराठा बांधवावर झालेला हल्ला हा अमानुष असून या घटनेचा आम्ही तीव्र निषेध करतो,असे त्यांनी म्हटले आहे.यावेळी त्यांच्यासोबत ओबीसी सेल चे कुडाळ श हर प्रमुख राजू गवंडे उपस्थित होते. याबाबत त्यांनी प्रसिद्धी पत्र दिले आहे. यात चुकीच्या पद्धतीने मराठा बांधवावर हल्ला झाला, हा प्रकार योग्य नाही, त्याची सखोल चौकशी व्हावी, अशी त्यांनी मागणी केली आहे. तसेच हल्ला करणाऱ्या सत्ताधाऱ्यांचा त्यांनी निषेध केला आहे.