कुडाळ /-
जेईई आणि नीट या परीक्षांसाठी संपूर्ण कोकण आणि गोवा येथील अव्वल मानली जाणारी परफेक्ट अकॅडमी, कुडाळ ही नेहमीच आपल्या नवनवीन शैक्षणिक आणि सामाजिक उपक्रमांसाठी चर्चेमध्ये असते. आज शनिवार दिनांक 9 जुलै रोजी कुडाळ तालुक्यातील नेरूर येथील वसुंधरा विज्ञान केंद्राला भेट दिली.
परफेक्ट अकॅडमी चे सर्वेसर्वा प्राध्यापक राजाराम परब यांच्याशी चर्चा केली असता ते म्हणाले ” जेईई, नीट या परीक्षांमध्ये भारताभरातून विद्यार्थी बसत असल्यामुळे या परीक्षेमधील कडव्या स्पर्धेला सामोरे जाण्यासाठी विद्यार्थ्यांना अकरावी बारावी ही दोन वर्ष प्रचंड मेहनत घ्यावी लागते. पण या परीक्षांची तयारी करत असताना विज्ञानातील ज्या गोष्टी आपण शिकतो त्या गोष्टींचे देखावे, त्यांची माहिती, विज्ञान समजावून सांगणारे काही प्रयोग हे विद्यार्थ्यांना स्वतः पाहता यावे आणि त्यातून त्यांना विज्ञान आणि तंत्रज्ञान याची सांगड पुढे जाऊन घालता यावी, हा या मागचा उद्देश होता.