🛑कुडाळ मधील मिलिंद पांडुरंग देसाई यांचे दुःखद निधन.

✒️लोकसंवाद /- कुडाळ.

कुडाळ मधील राष्ट्रीय स्वयंसेवक संघाचे स्वयंसेवक मिलिंद पांडुरंग देसाई यांचे आज सायंकाळी साडेपाचच्या सुमारास गोवा बांबुळी येथे दुःखद निधन झाले.त्यांनी कुडाळ तालुका कार्यवाह तसेच जिल्हा प्रचार विभाग प्रमुख या जबाबदाऱ्या राष्ट्रीय स्वयंसेवक संघाच्या माध्यमातून पार पाडल्या तसेच त्यांच्या वृत्तपत्र विक्रीच्या स्टॉल वरून सर्वांनाच अडीअडचणीच्या वेळी त्यांनी मदत केली. कोरोनाच्या काळातील त्यांचे कार्य उल्लेखनीय होते. कोणालाही रक्त लागल्यास ते रक्तदाता तात्काळ उपलब्ध करून देत असत. त्यांच्या निधनाने कुडाळ शहरातील सामाजिक क्षेत्रात फार मोठी पोकळी निर्माण झाली आहे.उद्या सकाळी साडेनऊ वाजता त्यांचे अंत्ययात्रा नाबरवाडी येथील निवासस्थानातून निघेल.