🛑पिंगुळीतील पाझर तलाव वाचविण्यासाठी पिंगुळी ग्रामस्थांचे बेमुदत उपोषण सुरू.;उपोषणाला पाठिंबा देण्यासाठी शेकडो ग्रामस्थ सर्वपक्षीय नेते एकवटले.

✒️लोकसंवाद /- कुडाळ.

पिंगुळी येथील ऐतिहासिक पाझर तलाव वाचवण्यासाठी कुडाळ तहसील कार्यालयासमोर बेमुदत उपोषण सुरू करण्यात आले आहे. या आंदोलनात महिला, ज्येष्ठ नागरिकांसह शेकडो ग्रामस्थ आणि सर्वपक्षीय पदाधिकारी, कार्यकर्ते सहभागी झाले आहेत. परप्रांतीय बिल्डरने तलाव बुजवून रस्ता बंद केल्याचा आरोप करत, प्रशासनाने तात्काळ कारवाई करावी, अशी मागणी आंदोलकांनी केली.यावेळीगुरूनाथ सडवेलकर माजी आमदार वैभव नाईक परशुराम उपरकर राष्ट्रवादी जिल्हाध्यक्ष अमित सामंत, काँग्रेसचे तालुकाध्यक्ष अभय शिरसाट जि.प.सदस्य रूपेश पावसकरमनसे जिल्हाध्यक्ष धीरज परबपिंगुळी सरपंच अजयआकेरकर विजय प्रभू नगरसेवक मंदार शिरसाट संजय वेतुरेकर आदी हजारो ग्रामस्थ सहभागी झाले.