🛑कुडाळ ते यशवंतराव भोसले कॉलेज पर्यंत बस फेरी सुरु करा.;नगरसेवक अभिषेक गावडे यांची मागणी.

✒️लोकसंवाद /- कुडाळ.

कुडाळ ते सावंतवाडी यशवंतराव भोसले कॉलेज, चराटा दरम्यान सकाळी ८:३० व सायं. ५:१५ वाजता विद्यार्थ्यांसाठी एस.टी. बस सेवा सुरू करण्यासाठी नगरसेवक अभिषेक गावडे यांनी कुडाळ आगार व्यवस्थापक यांना लेखी निवेदन देत चर्चा केली की, कुडाळ तालुक्यातील विद्यार्थी भोसले नॉलेज सिटी, कॉलेज ऑफ इंजिनिअरिंग अँड रिसर्च,चराटा येथे शिक्षण घेत आहेत.सदर कॉलेजचे वेळापत्रक सकाळी १०.०० ते सायंकाळी ५.०० असे आहे.सध्या कुडाळ ते भोसले कॉलेज या मार्गावर या वेळेत थेट एस.टी. बस सेवा उपलब्ध नसल्याने कुडाळ, पिंगुळी,ओरोस,कळसुली,आंब्रड या भागातील १०० पेक्षा जास्त विद्यार्थ्यांना दररोज खाजगी वाहनाने प्रवास करताता त्यामुळे त्यांना जास्त भाडे देऊन प्रवास करावा लागत आहे.त्यामुळे विद्यार्थ्यांची आर्थिक व वेळेची गैरसोय होत असून विशेषतः मुलींच्या सुरक्षितेचा प्रश्न निर्माण झाला आहे.त्यामुळे आपण विद्यार्थ्यांच्या शैक्षणिक हितासाठी सकाळची फेरीः कुडाळ बस स्थानक ते भोसले कॉलेज, सावंतवाडी- सकाळी ८:३० वाजता.सायंकाळची फेरीः भोसले कॉलेज, सावंतवाडी ते कुडाळ सायंकाळी ५:१५ वाजता अश्या बस फेऱ्या सुरू कराव्यात असे नगरसेवक तथा शिवसेना शहर प्रमुख श्री.अभिषेक गावडे यांनी आज कुडाळ आगार व्यवस्थापक यांच्याशी चर्चा करून बस सुरु करण्याची मागणी केली आहे.यावेळी नगरसेवक विलास कुडाळकर,प्रथमेश कांबळी,इम्तियाज शेख, भाई सडवेलकर उपस्थित होते.