🛑पिंगुळी – कुडाळ मार्गांवरील करमळगाळु येथील पुलावर भली मोठी भगदाडे.

✒️लोकसंवाद /- कुडाळ.

पिंगुळी – कुडाळ ते चिपी विमानतळ परुळे ह्या मुख्य रस्त्यावर करमळगाळु येथील ओढ्यावर केवळ पाईप टाकून,बांधलेल्या पुलावर भली मोठी भगदाडे पडली आहेत.यामुळे सदरच्या पुलावर येथील रहिवासी ग्रामस्थांनी खबरदारीचा उपाय म्हणून तात्पुरती झाडं उभी करून, एकमार्गी वाहतूक करण्यात आली आहे.
पण, सदरच्या पुलास अनेक भगदाडे पडली आहेत. त्यावर त्वरित ठोस उपाययोजना करणे गरजेचे आहे.हा रस्ता, चिपी विमानतळाला जोडणारा एक महत्त्वाचा रस्ता आहे. करमळगाळु येथील ओढ्यावर सदरच्या प्रकारामुळे, या इतर जिल्हा मार्गावरील बांधकाम कामांविषयी शंका उत्पन्न होत आहे.पुल बांधतांना केवळ पाईप ठेवून , पाईपांच्या मधील खाचांत माती व सिंमेंटचे किरकोळ मिश्रण टाकण्यात आल्याचे, येथील रहिवाश्याचे म्हणणे आहे.यामुळे, आताची घटना घडली आहे. सदरच्या पुलावरील भगदाडावर त्वरित व ठोस उपाययोजना करणे गरजेचे आहे.संबंधित विभागाने याबाबत, पाऊले उचलावीत.सध्या मात्र,येथुन वाहनं सावकाश चालवण्याचे आवाहन करण्यात आले आहे.