🛑एसटी वाहक कर्मचाऱ्यांचा स्नेहमिलन मेळावा संपन्न.

✒️लोकसंवाद /- कुडाळ.

सन २०१० च्या एसटी वाहक (कंडक्टर) भरतीतील कर्मचाऱ्यांचा स्नेहमिलन मेळावा ९ ऑगस्ट २०२६ रोजी गारवा रिसॉर्ट, तळगाव (मालवण) येथे उत्साहात पार पडला. तब्बल १५ वर्षांनंतर एकत्र आलेल्या या मेळाव्यास कणकवली, देवगड, विजयदुर्ग, मालवण, कुडाळ, वेंगुर्ला व सावंतवाडी आगारातील वाहक कर्मचारी मोठ्या संख्येने उपस्थित होते.

कार्यक्रमाच्या सुरुवातीला दिवंगत सहकारी कै. स्वप्नील जोशी, लाडोबा लाड, शैलेश माणगावकर, गोदावरी खाजनवाडकर आणि जितेंद्र मेंगाळ ,कै वडार यांना श्रद्धांजली अर्पण करून त्यांच्या नातेवाईकांना सांत्वनपर भेटवस्तू देण्यात आल्या. या सोहळ्यात कर्मचाऱ्यांनी ट्रेनिंगच्या आठवणींना उजाळा दिला, तसेच बॅच मधील बढती परीक्षा उत्तीर्ण प्रमोद तांबे,संध्या कदम,सुप्रिया सावंत, वृंदा कदम, रसिका परब,दीपाली मर्गज ,चारुशीला वालावलकर, गणेश कुंभार,हेमंत वालावलकर,स्वप्नेश खानोलकर ,तुकाराम गवस, प्रदीप बागायतकर साई पारकर या सहकाऱ्यांचा भेटवस्तू देऊन विशेष सत्कार करण्यात आला. १५ वर्षानंतर एकत्र येण्याची कल्पना सुनील करलकर यांनी मांडली ह्या कार्यक्रमासाठी विजयदुर्ग वरून बदली झालेले आणि सध्या अहिल्यानगर जिल्ह्यात येथे कार्यरत गणेश खरमाळे, सांगली वरून सौ एम. आर. गायकवाड, रत्नागिरी लांजा वरून साधना वाटवे यांनी येऊन कार्यक्रमाची शोभा वाढवली. गीता निकम यांनी स्वागतपर गीत गाऊन कार्यक्रमाची सुरेल सुरुवात केली, तर वाहक लक्ष्मण पाटील यांनी वाहांकवर कविता सादर करून कार्यक्रमाला रंगत आणली.

हा सोहळा यशस्वी करण्यासाठी , मिथुन बांबूळकर महेश वेंगुर्लेकर, देवदास प्रभूखोंत, स्वप्नील शिंदे गौरव महाकाळ, अमित चव्हाण, दीक्षा हिंदळेकर शितल मयेकर.सदा पाटील,सदानंद पेडणेकर, आदी सहकाऱ्यांचे मोलाचे योगदान लाभले. दुपारी एकत्र स्नेहभोजन करून सायंकाळी फनी गेम, मस्ती मौज करून कार्यक्रमाची सांगता केली कार्यक्रमाचे सुत्रसंचलन आनंद चव्हाण आणि विठ्ठल जाधव यांनी उपस्थितांचे आभार मानले.विशेष आभार सावंतवाडी,कुडाळ,वेंगुर्ला, मालवण,देवगड,विजयदुर्ग सर्व कर्मचारी वृंद.