🛑महापुरुष क्रिकेट संघ तेंडोलीच्या सामाजिक उपक्रमातून जि.प. पु. प्रा.शाळा तेंडोली गावठणला कपाट भेट.

✒️लोकसंवाद /- कुडाळ.

महापुरुष क्रिकेट संघ तेंडोली यांच्या माध्यमातून श्री देव महापुरुष मित्रमंडळ, तेंडोली गावठणवाडी यांच्या वतीने सातत्याने सामाजिक व लोकोपयोगी उपक्रम राबविण्यात येतात. याच परंपरेला पुढे नेत महापुरुष चषक तेंडोली 2026 या क्रिकेट स्पर्धेतील शिल्लक रकमेतून जि.प. पु. प्रा. शाळा, तेंडोली गावठण येथे आवश्यक कपाट भेट देण्यात आले.

शाळेमध्ये फाईल्स, महत्त्वाची कागदपत्रे तसेच इतर शैक्षणिक दस्तऐवज सुरक्षित ठेवण्यासाठी कपाटाची कमतरता होती. त्यामुळे काही कागदपत्रांना वाळवी लागून त्यांचे नुकसान झाले होते. शाळेची ही गरज ओळखून सामाजिक बांधिलकी जपत मंडळाने कपाट भेट देण्याचा स्तुत्य उपक्रम हाती घेतला.

सदर कपाट शाळेच्या मुख्याध्यापिका सौ. रिया राजेश परब यांच्याकडे सुपूर्त करण्यात आले. यावेळी त्यांनी मंडळाच्या या सामाजिक कार्याचे कौतुक करत मनःपूर्वक आभार व्यक्त केले.

या प्रसंगी मंडळाचे कार्यकर्ते श्री. गणेश गुरव, रोहित खानोलकर, गौरव घाडी, वेदांत साळसकर, श्रीकांत गुरव, हर्ष नाईक, तेजस चव्हाण, हर्ष गुरव आणि हर्षल गुरव उपस्थित होते.

“समाजासाठी हातभार, शिक्षणासाठी आधार” या प्रेरणादायी भावनेतून राबविण्यात आलेल्या या उपक्रमाचे परिसरातील नागरिकांकडून सर्वत्र कौतुक होत असून, अशा उपक्रमांमुळे समाजात शिक्षणाबद्दलची जाणीव आणि सामाजिक उत्तरदायित्व अधिक दृढ होत असल्याची भावना व्यक्त केली जात आहे.