🛑मद्य प्राशन करून भरधाव वेगाने ट्रेलर वाहन चालवणाऱ्या दोन चालकांना महामार्ग पोलिसांचा दणका..

◼️दोन्ही ट्रेलर ओसरगाव टोलनाक्यावर कौशल्याने थांबून गुन्हे दाखल..

✒️लोकसंवाद /- कणकवली.

आज शनिवार दिनांक 27.06.2026 रोजी सायंकाळी 06.30 चे सुमारास पावशी तालुका कुडाळ येथे महामार्गावरून दोन मोठे ट्रेलर भरधाव वेगाने मुंबई चे दिशेने जाताना वाटवे क्रेन चे मालक श्री मेहनील वाटावे यांना त्यांना मार्गावरून प्रवास करत असताना दिसले सदर ट्रेलर सर्व वाहनांना हुलकावणी देत ओवरटेक करून भरधाव वेगाने जात होते घटनेचे गांभीर्य ओळखून श्री वाटवे यांनी सदरची माहिती महामार्ग पोलीस विभाग कसाल कार्यालय येथे फोन द्वारे कळविले सदरची माहिती मिळताच ओसरगाव टोल नाका येथे कर्तव्यावर असणारे
ASI/873 अनंत हडकर,PN/1208 अमोल महाडिक,PN/1319 कैलास ढोले,PC/1226 सुरज ठाकूर,PC/504 महादेव साबळे,PC/567 कुंडलिक वानोळे यांनी दोन्ही ट्रेलर कौशल्याने थांबून तपासणी केली असता दोन्ही वाहनावरील चालक हा मद्य प्राशन करून वाहन चालवित असल्याचे आढळून आल्याने त्यांचेवर तत्काळ महामार्ग पोलीस प्रभारी अधिकारी श्रीमती. दीपाली जाधव यांच्या मार्गदर्शनाखाली ड्रिंक अँड ड्राईव्ह चा गुन्हा दाखल करण्यात आलेला आहे.

श्री.वाटावे यांच्या प्रसंगधावनामुळे व पोलिसांनी केलेल्या तत्काळ कारवाई मुळे मोठा अनर्थ टळलेला आहे.वाहन चालक यांना महामार्ग पोलिस यांचे कडून मद्यप्राशन करून वाहन चालवू नये तसेच विना हेल्मेट कोणीही महामार्गावर वाहन चालून अपघातास निमंत्रण देऊ नये असे आवाहन पोलिसांकडुन करण्यात आले आहे.