🛑कुडाळ येथे अल्पवयीन मुलीची छेडछाड प्रकरणातील आरोपीची जामिनावर मुक्तता..

✒️लोकसंवाद /- कुडाळ.

कुडाळ बाजारपेठ येथे किराणा सामान आणण्यासाठी गेलेल्या १२ वर्षे ५ महिने वयाच्या अल्पवयीन मुलीला हॉटेलमध्ये बोलावून तिचा विनयभंग करणाऱ्या गुन्ह्यातील आरोपी कृष्णा महादेव आकेरकर (वय ५४, रा. केरवडे, भोईवाडी, ता. कुडाळ) याची मे. जिल्हा व सत्र न्यायालयाने योग्य त्या अटी-शर्तींवर जामिनावर मुक्तता केली आहे.

आरोपीच्या वतीने ॲड. विवेक मांडकुलकर यांनी केलेला युक्तिवाद ग्राह्य मानून न्यायालयाने ही जामिनावर मुक्तता केली असून त्यांच्या सोबतीला ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी या कामी संरक्षण वकील म्हणून काम पाहिले.
​याबाबत कुडाळ पोलीस ठाण्यात गुन्हा रजिष्टर नं. १६६/२०२६ अन्वये भारतीय न्याय संहिता २०२३ चे कलम ७४, ७५(१)(i), ७५(२) सह बालकांचे लैंगिक अपराधापासून संरक्षण अधिनियम (पोक्सो) २०१२ चे कलम ८ प्रमाणे गुन्हा दाखल करण्यात आला होता.

पीडित मुलीच्या आईने या संदर्भात फिर्याद दिली होती.​गुन्ह्याची हकीगत:​दिनांक १०.०५.२०२६ रोजी सायंकाळी ७.०० ते ७.४५ वाजण्याच्या दरम्यान पीडित अल्पवयीन मुलगी कुडाळ बाजारपेठ येथे किराणा सामान आणण्याकरिता गेली होती. ती बाजारातून परत येत असताना,येथील ‘संदेश टी स्टॉल’ (हॉटेल) मध्ये कामाला असलेला आरोपी कृष्णा महादेव आकेरकर याने तिला हॉटेलमध्ये बोलावले.’तुला सामोसे व वडापाव देतो’ असे आमिष दाखवून त्याने तिला हॉटेलच्या आत घेतले व तिच्याशी अश्लील चाळे करून विनयभंग केला. याप्रकरणी कुडाळ पोलिसांनी दिनांक ११.०५.२०२६ रोजी आरोपीला अटक केली होती व त्यानंतर त्याची न्यायालयीन कोठडीत रवानगी करण्यात आली होती.

​सदरचा गुन्हा सत्र न्यायालयीन (सेशन ट्रायबल) असल्याने आरोपीच्या वतीने न्यायालयात जामीन अर्ज दाखल करण्यात आला होता. न्यायालयासमोर झालेल्या सुनावणी दरम्यान बचाव पक्षाचे वकील ॲड. विवेक भालचंद्र मांडकुलकर यांनी केलेला जोरदार कायदेशीर युक्तिवाद, सादर केलेली कागदपत्रे आणि वस्तुस्थिती मे. न्यायालयाने ग्राह्य मानून आरोपी कृष्णा आकेरकर याची जामिनावर मुक्तता करण्याचे आदेश दिले. या खटल्यामध्ये आरोपीच्या वतीने ॲड. विवेक मांडकुलकर, ॲड. प्रणाली मोरे, ॲड. विनय मांडकुलकर, ॲड. वृषांग जाधव व ॲड. सुयश गवंडे यांनी यशस्वी काम पाहिले.