🛑पाट हायस्कूलमध्ये पर्यावरण दिन साजरा..

✒️लोकसंवाद /- कुडाळ.

पाच जून हा पर्यावरण दिन वृक्षारोपण करून सर्वत्र साजरा होत आहे .पाट हायस्कूल इको क्लब आणि हरित सेनेमार्फत जांभूळ ,गुलमोहर ,रतंबा, जायफळ ,तसेच इतर झाडांची लागवड करून हा पर्यावरण दिन साजरा करण्यात आला. पर्यावरणाचे महत्त्व मुलापर्यंत पोहोचवण्याकरिता असे विविध उपक्रम पाट हायस्कूलमध्ये इको क्लब आणि हरित सेनेमार्फत घेतले जातात . बियांचे संकलन वृक्ष जतन, वृक्ष वाटप ,एक पेड मा के नाम , चित्रकला स्पर्धा .अशा विविध संकल्पना हरित सेना प्रमुख संदीप साळस्कर सर विद्यालयात राबवीत असतात .आजच्या दिवशी वनाधिकारी , वनपाल श्रेया परब आणि प्रियांका बनसोडे त्याचप्रमाणे विद्यालयाच्या पर्यवेक्षिका अंकिता मोडक हरित सेनाप्रमुख श्री संदीप साळसकर, आनंद चव्हाण, सागर चव्हाण यांच्या उपस्थितीत विद्यार्थ्यांसमवेत विविध झाडांचे परिसरात लागवड करण्यात आली.त्याचप्रमाणे या वनस्पती जतन करण्याची शपथ घेण्यात आली. दरवर्षी लागवड केलेल्या या परिसरातील झाडामुळे पूर्ण पाट हायस्कूल परिसर हिरवागार झाला आहे .तसेच वनविभाग, सामाजिक वनीकरण कडून येणारे सर्व उपक्रम नाविन्यपूर्ण विद्यालयात राबविले जातात या सर्व उपक्रमांचे सर्व संस्थाचालक मुख्याध्यापक सयाजी बोंदर वन अधिकारी श्रेया परब यांनी कौतुक केले .