🛑राष्ट्रीय ग्राम स्वराज्य अभियाना अंतर्गत जिल्हा पंचायत संसाधन केंद्राचे काम लवकर पूर्ण करा.

◼️जि. प. सदस्य रुपेश पावसकर यांची जि.प.चे.मुख्यकार्यकारी अधिकारी यांच्याकडे मागणी.

✒️लोकसंवाद /- कुडाळ.

राष्ट्रीय ग्राम स्वराज्य अभियाना अंतर्गत जिल्हा पंचायत संसाधन केंद्र सिंधुदुर्ग या कामाचे सोमवार दि.१२ नोव्हेंबर २०१८ रोजी माजी मुख्यमंत्री तथा तत्कालीन राज्यसभा खासदार आणि सध्याचे लोकसभा खासदार मा.श्री.नारायणरावजी राणे साहेब तसेच तत्कालीन राज्यमंत्री गृह (ग्रामीण) वित्त व नियोजन महाराष्ट्र राज्य तथा पालकमंत्री सिंधुदुर्ग मा.ना.श्री.दीपक भाई केसरकर तसेच तत्कालीन जिल्हा परिषद अध्यक्ष श्रीम.रेश्मा सावंत यांच्या प्रमुख उपस्थित झाले होते.परंतु सध्या हे काम अपूर्ण अवस्थेत आहे.हे काम पूर्ण झाल्यास जिल्ह्यातील जिल्हा परिषद सदस्य तसेच पंचायत समिती सदस्यांच्या प्रशिक्षण कामी उपयुक्त ठरू शकते.सदरच्या कामाची आपले स्तरावरून पाहणी होऊन सदरचे काम पूर्ण होणे कामी आपले स्तरावरून सहकार्य व्हावे अशी आपल्या निवेदनाच्या माध्यमातून नेरूर देऊळवाडा जिल्हा परिषद सदस्य श्री.रुपेश अशोक पावसकर यांनी लेखी मागणी करत जि.प.चे.मुख्यकार्यकारी अधिकारी यांचे लक्ष वेधले आहे.