🛑वेताळबांबर्डे येथील तरुणाची गळफास घेत आत्महत्या..

✒️लोकसंवाद /- कुडाळ.

वेताळबांबर्डे, कपिल नगर येथे राहणाऱ्या विजय नारायण कदम (वय ३५) यांचा गळफास घेऊन मृत्यू झाल्याची दुर्दैवी घटना १५ एप्रिल रोजी रात्री सुमारे ११:१० वाजण्याच्या सुमारास घडली.
याबाबत माहिती देणारे त्यांचे भाऊ श्रीकृष्ण नारायण कदम यांनी सांगितले की, विजय कदम हे आपल्या राहत्या घरातील खोलीत लाकडी वाशाला दोरीच्या साह्याने गळफास घेतलेल्या अवस्थेत आढळून आले. घटनेची माहिती मिळताच परिसरात खळबळ उडाली.
मृत विजय कदम हे सर्पमित्र म्हणून परिसरात परिचित होते. त्यांच्या अचानक झालेल्या निधनामुळे हळहळ व्यक्त केली जात आहे.
या प्रकरणाचा पुढील तपास कुडाळ पोलीस ठाण्याचे हेड कॉन्स्टेबल परुळेकर करत आहेत.