🛑अनधिकृत नीस मारून रस्ता अडविल्या प्रकरणी डिगस ग्रामस्थ्यांचे जिल्हाधिकारी कार्यालया समोर आमरण उपोषण सुरु.

◼️जोपर्यत आम्हाला न्याय मिळत नाही तोपर्यंत आमचे आमरण उपोषण सुरुच राहणार.;डीगस ग्रामस्थ.

✒️लोकसंवाद /-समिल जळवी,सिंधुदुर्ग

कुडाळ तालुक्यातील गाव मौजे डिगस येथील घाण्याची वाडी,सोनारगाळी ते डिगस हायस्कूल (रस्ता क्र. २३ क्रमांक) वरील अनधिकृत नीस मारून रस्ता अडविल्याबाबत आणि त्याच्या विरोधात आमरण उपोषणाबाबत व पणदूर घोटेगे रस्ता ते सोनाळगाळी देवस्थान कालिका कमिटी यांच्या मार्फत २३ नंबर रस्ता साठी मंजुरी मिळणेबाबत या मागणीसाठी डिगस डिगस घाण्याचीवाडी येथील नागरिकांनी आपल्या न्याय हक्कासाठी आज गुरुवार दिनांक 16.04.2026. पासून ओरोस येथील जिल्हाधिकारी कार्यालयासमोर आमरण उपोषण सुरु केले आहे. या ठिकाणी उपोषण कर्त्यांना उपोषण स्थळी येऊन प्रत्यक्ष गावातील काही लोक येऊन आपला पाठिंबा दर्शवत आहेत. जिल्हाधिकारी यावर ठोस मार्ग काढतील या हेतूने डिगस ग्रामस्थ या उपोषणास बसले आहेत.आता दुपार नंतर जवळपास चार वाजण्यास आले असतानाही अजून एकही अधिकारी या उपोषण स्थळी फिरकला नसल्याने उपोषण कर्ते यांनी नाराजी वेक्त केली आहे.

उपोषणस्थळी श्री. स्वप्निल कमलाकर धावले,सौ.स्वप्नाली स्वप्निल कमलाकर धावले,बापू काशीराम धावले, प्रभावती काशीराम धावले,श्री. सुरेश महादेव शिरोडकर,श्री. मंगेश वामन शिरोडकर,सुजन शिरोडकर , रामकृष्ण शिरोडकर,अनंत गोसावी, प्रकाश गोसावी,पांडुरंग शिंदे, जयवंती शिंदे,श्री. पुरुषोत्तम कुबल हे ग्रामस्थ जिल्हाधिकारी कार्यालयात समोर उपोषणास बसल्या आहेत. तर या उपोषणास अपंग वेक्तीनी पाठिंबा देण्यासाठी आपली उपस्थिती दर्शवली आहे.