🛑अवैध वाळू उपशाविरोधात तळाशील वासियांचे आंदोलन सुरूच आता संतप्त महिलांचा खाडीत जलप्रवेश..

◼️दोघा महिलांची प्रकृती खालावली जिल्हाधिकारी यांच्या भूमिकेकडे सर्वांचे लक्ष..

✒️लोकसंवाद /- सिंधुदुर्ग.

सिंधुदुर्ग जिल्ह्यातील कुडाळ, मालवण सावंतवाडी, वेंगुर्ला तालुक्यातील तेरेखोल,वालावल, कवठी, चेंदवन, तळाशील या भागात काही दिवसांपासून या खाडीपात्रात बेकायदेशीर वाळू उपसा मोठ्या प्रमाणार होत आहे. त्यामुळे या जवळील भागानी “माळीन ” सारखी परिस्थिती भविष्यात उद्भवण्याची दाट शक्यता आहे याच पश्वभूमीवर मलाचण तालुक्यातील तळाशील ग्रामस्थ यांनी काही दिवस खाडीपात्रात होड्यांमध्ये बसून आंदोलन करत होते.मात्र आता तेच ग्रामस्त आता पुढे येत ‘बेकायदेशीर वाळू उपसा कायमचा बंद करा’ आणि ‘दोषी अधिकाऱ्यांवर कारवाई करा’ या प्रमुख मागण्यांसाठी महिलांनी आत्मदहनाचा इशारा दिला होता. त्या पार्श्वभूमीवर नायब तहसीलदार आणि पोलीस अधिकारी चर्चा करण्यासाठी आंदोलनस्थळी दाखल झाले.जिल्हाधिकाऱ्यांशी फोनवरून चर्चा घडवून आणण्यात आली, मात्र लेखी आश्वासन न मिळाल्याने आणि केवळ बैठकीचे गाजर दाखवल्याने ग्रामस्थांचा संयम सुटला.

मालवण तालुक्यातील कालावल खाडीपात्रात सुरू असलेल्या बेकायदेशीर वाळू उपशा विरोधात तळाशील ग्रामस्थांनी पुकारलेले आंदोलन हे कालपासून कमालीचे चिघळले दिसत आहे.अवैध वाळू उपशाविरोधात तळाशीलवासियांचे आंदोलन चिघळले; संतप्त महिलांचा खाडीत जलप्रवेश, दोघींची प्रकृती खालावली सावंतवाडीः: मालवण तालुक्यातील कालावल खाडीपात्रात सुरू असलेल्या बेकायदेशीर वाळू उपशाविरोधात तळाशील ग्रामस्थांनी पुकारलेले आंदोलन मंगळवारी कमालीचे चिघळले. प्रशासनाकडून ठोस आश्वासन न मिळाल्याने संतप्त महिलांनी थेट खाडीपात्रात उड्या घेऊन जलसमाधी घेण्याचा प्रयत्न केला. या घटनेत मंगळवारी रात्री दोन महिलांची प्रकृती खालावली असून, त्यांना उपचारासाठी रुग्णालयात दाखल करण्यात आले आहे. प्रशासनाच्या उदासीन भूमिकेमुळे परिसरात तणावाचे वातावरण निर्माण झाले आहे.

“कालावल खाडीत रेवंडी जेटीजवळ उभ्या असलेल्या अवैध वाळूच्या बोटींवर कारवाई करण्यास बंदर निरीक्षक टाळाटाळ करत आहेत.महसूल विभागाला ते सहकार्य करत नसून, त्यांच्या वेळकाढूपणामुळेच माफियांच्या बोटी पळवून नेण्यात आल्या,” असा गंभीर आरोप ग्रामस्थांनी केला. या अधिकाऱ्यांवर तातडीने गुन्हा दाखल करण्याची मागणी करण्यात आली आहे.