🛑विविध कार्यकारी सहकारी सेवा संस्थांकडून कर्ज वसुलीसाठी नोटिशी काढून शेतकऱ्यांना वेटीस धरू नये.;जि. प. सदस्य रुपेश पावसकर.

✒️लोकसंवाद /- कुडाळ.

सध्या शासनाने शेतकऱ्यांना कर्जमाफी जाहीर केलेली असून त्याबाबत प्रत्येक संस्था/बँक यांचेकडून शेती कर्जाविषयी माहिती संकलित करण्याचे काम सुरू केलेले आहे.शेतकऱ्यांना वित्तीय संस्था या शेती कर्ज व छोट्या शेती कर्जासाठी खावटी कर्ज देत असताना खावटी कर्ज हे सुद्धा विविध कार्यकारी सहकारी सेवा संस्था देत असतात. त्यामुळे खावटी कर्ज ही शेती कर्जात गणले जाते. असे असता कुडाळ तालुक्यातील चेंदवण विविध कार्यकारी सहकारी सेवा सोसायटीने तेथील शेतकरी कर्जदारांना कर्ज वसुलीच्या नोटीचा बजावल्या असून कायदा कलम १०१ खाली कारवाई करण्याचे कळवून शेतकऱ्यांना वेटीस धरलेले आहे. हा शेतकऱ्यांवर अन्याय आहे. सदर प्रकरणी लक्ष घालून संबंधित संस्थेचेस शेतकऱ्यांना वेटीस धरून त्रास देऊ नयेत अशी मागणी नेरूर देऊळवाडा जिल्हा परिषद सदस्य श्री.रुपेश अ.पावसकर यांनी सिंधुदुर्ग जिल्हा निबंधक सहकारी संस्था यांना लेखी निवेदन देऊन श्री. पावसकर यांनी शेतकऱ्यांना सहकार्य करावे अशी मागणी केली आहे.