🛑कुडाळ पोलिसांची दमदार कामगिरी :बस प्रवासात चोरी केलेल्या गुन्हयाची उकल 13 लाख रुपये किंमतीचे सोन्याचे दागिने हस्तगत.

✒️लोकसंचाड /- समिल जळवी,कुडाळ.

दि. 20.01.2026 रोजी सौ सुहासिनी रमाकांत पाटकर वय 64 वर्षे, रा. वायरी भूतनाथ ता. मालवण जि. सिंधुदुर्ग हया मालवण ते कुडाळ रेल्वे स्टेशन असा एस टी बसने प्रवास करीत असताना कोणीतरी अज्ञात इसमाने त्यांचे सोन्याचे दागिने असलेली बॅग चोरुन नेलेली होती. त्याबाबत फिर्यादी यांनी दिले फिर्यादीवरुन कुडाळ पोलीस ठाण्यात गुरक्र 13/2026 भारतीय न्याय संहिता 2023 चे कलम 303 (2) प्रमाणे दि. 20.01.2026 रोजी दाखल करण्यात आलेला होता. नमुद गुन्हयाचा तपास कुडाळ पोलीस ठाण्यामार्फत सुरु होता.

गुन्हयातील अज्ञात आरोपीत याने फिर्यादी यांचे मालवण ते कुडाळ रेल्वे स्टेशन या दरम्याने 13 लाख रुपये किंमतिचे दागिने असलेली बॅग चोरुन नेलेली होती. अज्ञात आरोपीत याचा शोध घेवुन गुन्हा उघडकीस आणणे हे पोलीसां समोर मोठे आव्हान होते. कुडाळ पोलीस ठाण्याचे पोलीस निरीक्षक राजेंद्र मगदुम यांनी गुन्हा उघडकीस आणण्याकरीता स्वतंत्र पोलीस पथक स्थापण केलेले होते. नमुद गुन्हयाचा तपास कुडाळ पोलीस ठाणे व स्थानिक गुन्हे अन्वेषण शाखेमार्फत सुरु होता. नमुद गुन्हयाचे तपासात पोलीसांनी तांत्रीक विश्लेपणाच्या आधारे नमुद गुन्हयातील आरोपीत याचा शोध घेवुन गुन्हयात आरोपी मंगेश नाथुभाई नटु, वय 55 वर्षे रा. कोकरे आगार, सायन कोळीवाडा, अॅटॉप हिल मुंबई यास स्थानिक गुन्हे अन्वेषण शाखेचे पो फौजदार हडळ यांनी अटक करुन ताब्यात घेतले व पुढील तपासाकरीता कुडाळ पोलीस ठाण्यात हजर केला होता. कुडाळ पोलीसांनी नमुद आरोपीची पोलीस कोटडी रिमांड घेवुन आरोपीकडे केलेल्या तपासात त्याने मुंबई येथे दागिने ठेवल्याचे सांगितल्याने कुडाळ पोलीस ठाण्याचे विशेष पोलीस पथक आरोपीसह मुंबई या ठिकाणी जावुन आरोपीने लपवुन टेवलेले सोन्याचे 13 लाख रुपये किंमतिचे सोन्याचे दागिने व 6000/- रु रोख रक्कम हस्तगत केली.

सदर कार्यवाही ही मा. पोलीस अधीक्षक डॉ श्री मोहन दहीकर, मा. अपर पोलीस अधीक्षक कु. नयोमी साटम व मा. उप विभागीय पोलीस अधिकारी, सावंतवाडी श्री. विनोद कांबळे यांचे मार्गदर्शनाखाली मा. कुडाळ पोलीस ठाण्याचे पोलीस निरीक्षक राजेंद्र मगदुम, सपोनि जयदीप पाटील, पो. फौजदार सावर्डे, पोलीस अंमलदार प्रमोद काळसेकर, हरेश पाटील, सुबोध मळगांवकर, सुप्रिया भागवत, स्थानिक गुन्हे अन्वेषण शाखेचे पोलीस निरीक्षक प्रविण कोल्हे, पो. फौजदार हडळ, पोलीस अंमलदार राजेंद्र जामसंडेकर, सदानंद राणे, प्रकाश कदम, आशिष गंगावणे, किरण देसाई, जॅक्सन घोन्सालवीस, ज्ञानेश्वर तवटे, महेश समजीस्कर, धनश्री परब, युवराज भंडारी यांनी केलेली आहे.