🛑गुटखा बाळगळ्या प्रकारणी अजुन एकाची जामिनावर मुक्तता.;ॲड.विवेक मांडकुलकर यांचा युक्तिवाद.

✍️लोकसंवाद /- कुडाळ.

कुडाळ शहरात मोठ्या प्रमाणात गुटखा बाळगुन होलसेल विक्रीता आरोपी अनिश सुनिल केसरकर याची दिनांक २९/०१/२०२६ रोजी मे. जिल्हा प्रमुख न्यायाधिश श्री.डॉ. सु. मा. देशपांडे यांनी जामीनावर मुक्ततेचा आदेश केला. आरोपीच्या वतीने तर्फे ॲड. विवेक मांडकुलकर यांनी केलेला युक्तिवाद ग्राह्य मानून जामिनावर मुक्तता केला तसेच ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.

१) कुडाळ पोलीस ठाणे गुन्हा रजिष्टर नं. १६/२०२६ चे कमी आरोपी यांचेवर भारतीय न्याय संहिता कलम १२३, २७४, २७५, ३(५) सह अन्न सुरक्षा आणि मानके अधिनियम २००६ चे कलम ५९ अन्वये गुन्हा दाखल झालेला असून आरोपी यांना दिनांक २४/०१/२०२६ रोजी अटक करून दिनांक २६/०१/२०२६ रोजी कुडाळ येथील मे. न्यायालयात हजर केले असता मे. न्यायालयाने आरोपी यांची न्यायालयीन कोठडीत रवानगी केलेली आहे.

२) सदर गुन्ह्याची हकीगत अशी कि, पान मसाला व सुगंधी तंबाकू आरोपी क्र. १ यांच्या ताबे कब्जात बाळगल्या स्थितीत मिळून आला व आरोपी क्र. १ याने अर्जदार यांच्याकडून सदर चा मुद्देमाल विक्रीत घेत्ल्यात्चे संगितले म्हणून अर्जदार विरुद्ध भारतीय न्याय संहिता कलम १२३, २७४, २७५, ३(५) सह अन्न सुरक्षा आणि मानके अधिनियम २००६ चे कलम ५९ अन्वये गुन्हा दाखल केला.

सदर गुन्ह्याच्या कामी आढळून आलेला सुगंधी तंबाखु व पान मसाला याची जप्त करते वेळी कोणतीही प्रार्थमिक तपासणी न झाल्यामुळे हे शरीरास हानिकारक आहे किंवा नाही हे ठरवून घेऊ शकत नाही. अर्जदार हा सदर सुगंधी तंबाखु व पान मसाला स्वतः कोणास विक्री करताना किंवा कोणास घ्यायला लावला असे आढळून आलेला नाही. त्यामुळे सदर गुन्ह्यामधील त्यांच्यावर लावण्यात आलेले भारतीय न्याय संहिता २०२३ चे कलम १२३ हे लागू होत नसल्याचे प्रथमदर्शनीय दिसून येत आहे.

सदरचा गुन्हा सेशन ट्रायबल असल्या कारणाने त्या गुन्ह्याच्या कामी आरोपी तर्फे ॲड. विवेक भालचंद्र मांडकुलकर यांनी जिल्हा न्यायालयात दिनांक २८/०१/२०२६ रोजी दाखल केला व त्याची सुनावणी २९/०१/२०२६ रोजी झाली. मे न्यायालया समोर झालेला युक्तिवाद मे. न्यायालयाने ग्राह्य मानून व दाखल केलेल्या कागदपत्रांचा विचार करून आरोपीला योग्य त अटी-शर्तीवर व रक्कम रु १५ हजार रक्कमेच्या जामिनावर मुक्तता करण्यात आली. आरोपीच्या वतीने ॲड. विवेक मांडकुलकर, ॲड. प्रणाली मोरे, ॲड. विनय मांडकुलकर, ॲड. वृषांग जाधव, व ॲड. सुयश गवंडे यांनी काम पाहिले.