🛑शिधा पत्रिका धारकांनी योजनेचा लाभ घेण्यासाठी तात्काळ अर्ज सादर करावेत.;कुडाळ तहसिलदार श्री. सचिन पाटील.

🖋️लोकसंवाद /- कुडाळ.

राष्ट्रीय अन्नसुरक्षा अधि नियमाच्या तरतुदीनुसार प्रधानमंत्री गरीब कल्याण अन्न योजनेअंतर्गत कुडाळ तालुक्यातील पात्र शिधापत्रिका धारकांना अन्नधान्याचा लाभ देण्यात येत आहे.या योजनेअंतर्गत कुडाळ तालुक्यातील ग्रामीण भागातील वार्षिक उत्पन्न मर्यादा रुपये ४४,०००/- व शहरी भागातील वार्षिक उत्पन्न मर्यादा रुपये ५९,०००/- पर्यंत असलेल्या कुटुंबांना लाभ मिळू शकतो.या योजनेअंतर्गत पात्र लाभयार्थ्यांना दरमाहा मोफत ३ किलो तांदूळ व २ किलो गहू मिळू शकतो. मात्र,तालुक्यातील काही पात्र शिधापत्रिकाधारकांनी अद्याप या योजनेसाठी अर्ज सादर केलेले नाहीत.सदर योजनेचा लाभ घेण्यासाठी पात्र शिधापत्रिकाधारकांनी कुडाळ तहसील कार्यालयात अर्ज सादर करावा. अर्जासोबत शिधापत्रिकेची छायांकित प्रत, कुटुंबातील सर्व सदस्यांचे आधारकार्ड व आवश्यक कागदपत्रे जोडणे बंधनकारक आहे.

तरी कुडाळ तालुक्यातील सर्व पात्र शिधापत्रिकाधारकांनी या योजनेचा लाभ घेण्यासाठी तात्काळ अर्ज सादर करावेत,असे आवाहन तहसिलदार, कुडाळ श्री. सचिन पाटील यांनी केले आहे.