🛑मनाई आदेशाचे उल्लंघन करून जन आशीर्वाद यात्रा काढल्या प्रकरणी 19 जणांची निर्दोष मुक्तता.

🖋️लोकसंवाद /- कुडाळ.

मनाई आदेशाचे उल्लंघन करून जन आशीर्वाद यात्रा काढल्या प्रकरणी माझी जि प उपाध्यक्ष रणजीत देसाई यांच्यासह 19 जणांची निर्दोष मुक्तता येथील प्रथम वर्ग न्याय दंडाधिकारी जी.ए .कुलकर्णी यांनी सोमवारी केली.या कामी अँड.विवेक मांडकुलकर,अँड.राजीवकुडाळकर यांनी काम पाहिले.याबाबतची माहिती अशी,दि. २८आँगस्ट२०२१ रोजी सकाळी दहा वाजण्याच्या दरम्यान काळप नाका येथे सुरु करुन आंबेडकर पुतळा, जिजामाता चौक कुडाळ व भाजप कार्यालय कुडाळ जन आशीर्वाद यात्रा काढण्यात आली होती यावेळी जिल्हाधिकारी यांचा मनाई आदेश होता
भाजप पक्षाच्या जनआशीर्वाद यात्रेच्या अनुषंगाने हद्दीत कायदा व सुव्यवस्थेचा कोणताही प्रश्न निर्माण होवू नये म्हणून पक्षाचे पदाधिकारी व कार्यकर्ते यांना सी.आर.पी.सी. १४९ प्रमाणे नोटीस ही बजावणी केलेली होती. तसेच सध्य स्थितीत कोव्हीड-१९ च्या वाढत्या प्रादुर्भावाच्या अनुषंगाने देखिल शासनाकडुन मनाई आदेशाचा भंग केला व लोकांचे आरोग्यास व जीवीतास धोका निर्माण होईल असे हयगयीचे व घातक कृत्य करण्यास मनाई असा जारी केलेला आदेश माहीत असतानाही यातील आरोपीत भारतीय जनता पक्षाचे पदाधिकारी व कार्यकर्ते रणजित देसाई, राजन तेली, प्रमोद जठार, विनायक राणे, राजेश पडते, स्वरुप वाळके, श्रीपाद तवटे, गुरुनाथ राउळ, दिपक नारकर, रुपेश बिडये, रुपेश कानडे, राकेश कांदे, राकेश नेमळेकर, आनंद शिरवलकर, सै. संध्या तेरसे, सुनिल बांदेकर, मंगेश चव्हाण, सौ. दिपलक्ष्मी पडते, प्रथमेश परब. असे कुडाळ काळप नाका येथे एकत्र जमुन जन आशीर्वाद यात्रेचे आयोजन करुन सदरची यात्रा काळप नाका येथे सुरु करुन आंबेडकर पुतळा, जिजामाता चौक कुडाळ व भाजप कार्यालय कुडाळ असे मिरवणुकिचे आयोजन करुन सदर मिरवणुकीमध्ये नारायण राणे अंगार है, बाकि सब भंगार है अशा आक्षेपार्य घेषणा देवून भाजप कार्यालय कुडाळ समोर सभेचे आयोजन करुन बेकायदेशिर जमाव करून आदेशाचे जाणीवपूर्वक उल्लंघन करुन नियमांचे पालन न करता लोकांचे आरोग्यास व जिवीतास धोका निर्माण होईल असे संसर्ग पसरविण्याचे हयगयीचे कृत् म्हणून भा.दं.वि. कलम १४३, १४९, १८८, २६९, १७० प्रमाणे व महाराष्ट्र पोलीस अधिनियम १९५१ चे कलम १३५ प्रमाणे गुन्हा केल्याचा दोषारोप ठेवण्यात आला होता याबाबतची सुनावणी येथील कुडाळ न्यायालयात झाली सोमवारी या खटल्यातील सर्व आरोपींची निर्दोष मुक्तता करण्यात आली.