🛑शिवसेना ओबीसी-व्हीजेएनटी जिल्हाप्रमुखपदी सुदन उर्फ सुधा कवठणकर यांची नियुक्ती.

🖋️लोकसंवाद /- सावंतवाडी.

शिवसेना पक्षप्रमुख तथा उपमुख्यमंत्री एकनाथ शिंदे यांच्या मार्गदर्शनाखाली आणि शिवसेना सचिव संजय मोरे यांच्या सूचनेनुसार,माजी मंत्री दीपक केसरकर आणि जिल्हाप्रमुख संजू परब यांच्या विशेष शिफारशीवरून,कवठणी येथील निष्ठावान कार्यकर्ते सुदन कवठणकर यांची शिवसेना ओबीसी आणि व्हीजेएनटी (भटक्या-विमुक्त जमाती) जिल्हाप्रमुखपदी नियुक्ती जाहीर करण्यात आली आहे.

सुदन कवठणकर यांनी सामाजिक क्षेत्रात दिलेल्या भरीव योगदानाची आणि शिवसेनेत प्रवेश केल्यापासून पक्ष बांधणीसाठी घेतलेल्या परिश्रमांची दखल घेत ही महत्त्वाची जबाबदारी सोपवण्यात आली आहे.ही नियुक्ती एका वर्षाच्या कालावधीसाठी असून, त्यांच्या निवडीमुळे सावंतवाडी परिसरातील ओबीसी आणि भटक्या-विमुक्त समाजाच्या प्रलंबित प्रश्नांना आता खऱ्या अर्थाने वाचा फुटेल,असा विश्वास शिवसैनिकांमधून व्यक्त होत आहे.

हिंदुहृदयसम्राट बाळासाहेब ठाकरे यांचे ज्वलंत हिंदुत्ववादी विचार, धर्मवीर आनंद दिघे यांची जनसामान्यांना न्याय देण्याची भूमिका आणि मुख्यमंत्री एकनाथ शिंदे यांचा सर्वसमावेशक विकासाचा दृष्टिकोन समाजाच्या शेवटच्या घटकापर्यंत पोहोचवण्याची प्रमुख जबाबदारी कवठणकर यांच्या खांद्यावर असेल.

या निवडीचे सर्व स्तरांतून स्वागत होत असून, शिवसेना ओबीसी-व्हीजेएनटी महाराष्ट्र प्रदेश उपाध्यक्ष श्रीधर पेडणेकर यांनी कवठणकर यांचे अभिनंदन केले आहे. “सुदन कवठणकर यांच्या नियुक्तीमुळे संघटनेला नवी उभारी मिळेल आणि सामाजिक कार्याला गती येईल,” अशा शब्दात त्यांनी पुढील वाटचालीस शुभेच्छा दिल्या आहेत.